அசாத் சாலி, பிக்குகளை நிந்திக்கிறார் - இந்து சம்மேளனம்

அசாத் சாலிக்கு எதிராக இந்து சம்மேளனம் ஜனாதிபதி மைத்திரிபால சிறிசேன மற்றும் பொலிஸ் மா அதிபர் பூஜித் ஜயசுந்தர ஆகியோரிடம் முறைப்பாடு செய்துள்ளது.

அசாத் சாலி பௌத்த பிக்குகளை நிந்திக்கும் வகையில் கருத்து வெளியிட்டுள்ளதாகத் தெரிவித்து இந்த முறைப்பாடு செய்யப்பட்டுள்ளது.

கடிதம் ஒன்றின் மூலம் இந்த முறைப்பாடு செய்யப்பட்டுள்ளது.

பொதுபல சேனாவின் பொதுச் செயலாளர் கலகொடத்தே ஞானசார தேரரை கொன்று தாமும் தற்கொலை செய்து கொள்வதாக அசாத் சாலி அண்மையில் கூறியிருந்தார்.

இந்த சம்பவம் குறித்து விசாரணை நடத்தப்பட வேண்டுமென பொலிஸ் மா அதிபரிடம் இந்து சம்மேளனம் கோரியுள்ளது.

அசாத் சாலிக்கு எதிராக உடனடியாக நடவடிக்கை எடுக்குமாறு ஜனாதிபதிக்கு அனுப்பி வைத்துள்ள கடிதத்தில் கோரப்பட்டுள்ளது.

இந்து சம்மேளனத்தின் தலைவர் அருண்காந்தனின் கையொப்பத்தில் இந்த கடிதங்கள் அனுப்பி வைக்கப்பட்டுள்ளன.