முஸ்லிம் காங்கிரஸின் கூட்டம் முடிந்தது - இறுதித் தீர்மானம் எதுவுமில்லை

-மு.இ.உமர் அலி-

முஸ்லிம் காங்கிரஸின் உயர்பீடக் கூட்டம் இன்று (02)  கட்சித் தலைமையகத்தில் சற்றுமுன்னர் நிறைவடைந்துள்ளது.

பெரும்பாலான உயர்பீட உறுப்பினர்கள் கலந்துகொண்ட கூட்டத்தில் பாராளுமன்ற தேர்தல் தொடர்பில் ஆராயப்பட்டுள்ளது. தனித்து போட்டியிடல், கூட்டுச் சேர்ந்து போட்டியிடல் உள்ளிட்ட பல்வேறு விடயங்கள் குறித்து பல விதமான கருத்துக்கள் இதன்போது தெரிவிக்கப்பட்டுள்ளன.

எனினும் இறுதி தீர்மானம் எதுவும் இதன்போது மேற்கொள்ளப்படவில்லை. இந்நிலையில் எதிர்வரும் சில தினங்களில் மீண்டும் கூடி, பாராளுமன்ற தேர்தல், எந்தந்த தொகுதிகளில் எவர் போட்டியிடுவது என்பது பற்றிய இறுதித் தீர்மானத்தை மேற்கொள்ளவும் இணக்கம் காணப்பட்டுள்ளது.