காசா கதறுகிறது: வரலாற்றிலேயே மிகப்பெரிய ஜனாஸா நல்லடக்கம் இன்று

காசா முனை இன்று செவ்வாய்க்கிழமை (4)  தனது வரலாற்றிலேயே மிகப்பெரிய ஜனாஸா  நல்லடக்கத்தை காணவுள்ளது.

உணர்வுள்ளவர்களால் மட்டுமே கேட்கக்கூடிய ஒரு குரலில் காசா இன்று கதறுகிறது.

இஸ்ரேலியத் தாக்குதல்கள் காரணமாக மாதக்கணக்கில் அணுக முடியாத நிலையில் இருந்த ஓர் இடத்திலிருந்து மீட்கப்பட்ட, அபு ஷ்ரியா (Abu Shri'a) மற்றும் அல்-ஹசனி (Al-Hasani) குடும்பங்களைச் சேர்ந்த 112 தியாகிகளின் உடல்களுக்கு விடை கொடுப்பதற்கான ஏற்பாடுகளை காசா நகரம் இன்று செய்து வருகிறது; போர் தொடங்கியதிலிருந்து நடைபெறும் மிகப்பெரிய இறுதிச் சடங்குகளில் ஒன்றாக இது கருதப்படுகிறது.

கிடைக்கப்பெற்ற தகவல்களின்படி, அந்த இடத்தில் உயிரிழந்தவர்கள் மற்றும் காணாமல் போனவர்களின் எண்ணிக்கை 308-ஐ எட்டியுள்ளது; அதேவேளையில் தேடுதல் மற்றும் மீட்புப் பணிகள் தொடர்ந்து நடைபெற்று வருகின்றன. காசா முனையில் நடத்தப்பட்ட குண்டுவீச்சு மற்றும் அழிவுகளுக்குப் பின்னாலுள்ள துயரத்தின் தீவிரத்தை வெளிப்படுத்தும் வகையில் அமையவுள்ள இந்த இறுதி ஊர்வலத்தில், பெருமளவிலான மக்கள் பங்கேற்பார்கள் என்று எதிர்பார்க்கப்படுகிறது.