முள்ளம்பன்றியுடன் சிறுமி ஐக்கியமானது எப்படி..? தாயார் கூறும் விளக்கம்
சிறுமி, இரண்டாம் வகுப்பில் படிக்கும் பொலன்னறுவையை சேர்ந்த 7 வயது ஸ்வேதா புன்சண்டி ஆவார். இது தொடர்பில் சிறுமியின் தாயார் விளக்கமளிக்கையில்,
ஸ்வேதாவுக்கு எப்போதும் விலங்குகள் மீது அதிக பாசம் உண்டு, மேலும் அவற்றுடன் ஒரு தனித்துவமான பிணைப்பை ஏற்படுத்தியுள்ளார். தங்கள் குடும்பம் எளிமையான வாழ்க்கையை வாழ்ந்தாலும், இயற்கையால் சூழப்பட்டிருப்பதால், ஸ்வேதா வனவிலங்குகளுடன் நெருங்கிய தொடர்பில் வளர முடிகிறது.
வீட்டிற்கு அருகில் காயமடைந்த நிலையில் அந்த முள்ளம்பன்றியை பார்த்தோம். பிறகு அதனுடனான நட்பு தொடங்கியது. நாய்கள் குரைக்கும் சத்தத்தைக் கேட்டு பயந்து வீட்டிற்கு அருகில் உலோக தகடுகளின் குவியலுக்குள் ஒளிந்திருந்த முள்ளம்பன்றியை பார்த்தோம்.
அந்த முள்ளம்பன்றி காயமடைந்திருந்த நிலையில் குணமடையும் வரை, வீட்டில் இருந்த மருந்துகளை கொண்டு பல நாட்கள் அதற்கு சிகிச்சையளித்தோம்.
குணமடைந்த பிறகு, அந்த முள்ளம்பன்றி காட்டுக்கு திரும்பியது, ஆனால் தொடர்ந்து எங்கள் குடும்பத்தினரைச் சந்தித்து வந்தது. அது படிப்படியாக ஸ்வேதாவுடன் நெருங்கிய பிணைப்பை ஏற்படுத்தி பழகிவிட்டது. நாங்கள் அதனை கூண்டில் அடைத்து வைப்பதில்லை. அது காட்டில் சுதந்திரமாக சுற்றித்திரியவும், தானாகவே திரும்பி வரவும் பழகியுள்ளது என்றும் கூறியுள்ளார்.
Post a Comment