சுரேஷ் சலே கைது - திட்டமிடப்பட்ட அரசியல் பழிவாங்கல்
ஓய்வுபெற்ற மேஜர் ஜெனரல் சுரேஷ் சலே கைது செய்யப்பட்டு, பயங்கரவாதத் தடைச் சட்டத்தின் கீழ் தடுத்து வைத்து விசாரணைக்கு உட்படுத்தப்பட்டுள்ள நிலையில், இது ஒரு திட்டமிடப்பட்ட அரசியல் பழிவாங்கல் என நாமல் ராஜபக்ச Mp சாடியுள்ளார்.
இது தொடர்பாக அவர் தனது எக்ஸ் தளத்தில் நீண்ட பதிவொன்றை வெளியிட்டுள்ளார்.
மேஜர் ஜெனரல் சுரேஷ் சலே, இலங்கையின் கிட்டத்தட்ட மூன்று தசாப்த கால பயங்கரவாதத்தை தோற்கடிப்பதற்கான நீண்ட போராட்டத்தில் குறிப்பிடத்தக்க பங்கைக் கொண்டிருந்த ஒரு மரியாதைக்குரிய இராணுவ அதிகாரி. தேசிய பாதுகாப்பிற்கான அவரது சேவையும் பங்களிப்பும் மிகவும் பாராட்டத்தக்கது.
இருப்பினும், பல ஆண்டுகளாக, சுரேஷ் சலே உயிர்த்த ஞாயிறு பயங்கரவாதத் தாக்குதல்களுடன் இணைக்க முயற்சிக்கும் வகையில் புனையப்பட்ட பொதுக் கருத்துகளும் அரசியல் ரீதியாக செல்வாக்கு பெற்ற கதைகளும் பரப்பப்பட்டு வருகின்றன எனவும் குறிப்பிட்டுள்ளார்.
Post a Comment