உலகளாவிய ஜனநாயக செயல்திறனில் இலங்கை முன்னேற்றம்

உலகளாவிய ஜனநாயக செயல்திறனில் இலங்கை  முன்னேற்றத்தை அடைந்துள்ளது. சர்வதேச ஜனநாயகம் மற்றும் தேர்தல் உதவி நிறுவனம் வெளியிட்ட உலகளாவிய ஜனநாயக நிலை 2025 அறிக்கையின் பிரதிநிதித்துவ பிரிவில் இலங்கை 15 இடங்கள் முன்னேறியுள்ளது.

2024 ஆம் ஆண்டில் அமைதியான முறையில் நடத்திமுடிக்கப்பட்ட ஜனாதிபதி மற்றும் நாடாளுமன்றத் தேர்தல்களைத் தொடர்ந்து இந்த குறிப்பிடத்தக்க முன்னேற்றம் ஏற்பட்டுள்ளது.

43 நாடுகள் சரிவைக் கண்ட போதிலும், பத்திரிகை சுதந்திரத்தில் முன்னேற்றம் அடைந்த இரண்டு நாடுகளில் இலங்கையும் ஒன்று.

 ஜனநாயக ஒருங்கிணைப்பு என்பது ஊழல் எதிர்ப்பு, நிறுவன சீர்திருத்தம் மற்றும் ஸ்திரத்தன்மை ஆகியவற்றின் வாக்குறுதிகளை நிறைவேற்றும் புதிய அரசாங்கத்தின் திறனைப் பொறுத்தது என்பதை அறிக்கை வலியுறுத்துகிறது.