இஸ்மாயில் ஹனியாவின் சகோதரி இஸ்ரேலில் கைது

தெற்கு இஸ்ரேலில் நடத்தப்பட்ட விசாரணையின் ஒரு பகுதியாக ஹமாஸ் தலைவர் இஸ்மாயில் ஹனியேவின் 57 வயது சகோதரியை கைது செய்துள்ளதாக இஸ்ரேல் போலீசார் தெரிவித்துள்ளனர்.

இஸ்ரேலின் பாதுகாப்பு நிறுவனமான ஷின் பெட்டையும் உள்ளடக்கிய விசாரணையின் ஒரு பகுதியாக டெல் ஷேவா நகரில் இஸ்ரேலிய குடிமகன் சபா அப்தெல் சலாம் ஹனியே கைது செய்யப்பட்டார்.

இது ஹனியேவின் சகோதரி என்பதை உறுதிப்படுத்திய பொலிஸ் செய்தித் தொடர்பாளர், அவர் ஹமாஸ் செயற்பாட்டாளர்களுடன் தொடர்பு வைத்திருந்ததாகவும், இஸ்ரேலில் பயங்கரவாதச் செயல்களைத் தூண்டி, ஆதரிப்பதாகவும், அந்த அமைப்புடன் அடையாளம் காணப்பட்டதாக சந்தேகிக்கப்படுவதாகக் கூறினார்.

அவரது வீட்டில் "ஆவணங்கள், ஊடகங்கள், தொலைபேசிகள், இதர கண்டுபிடிப்புகள் மற்றும் இஸ்ரேல் தேசத்திற்கு எதிரான கடுமையான பாதுகாப்புக் குற்றங்களைச் செய்ததில் அவரைத் தொடர்புபடுத்தும் ஆதாரங்கள்" கிடைத்ததாக போலீஸார் தெரிவித்தனர்.