முஸ்லிம் தனியார் சட்டத் திருத்தத்திற்காக போராடும் பெண்களே,, இது சமூகத் துரோகமாக இல்லையா..?

ஹஃப்ஸா ளரீஃப் 

(தென் கிழக்குப் பல்கலைக் கழகம்)

முஸ்லிம் தனியார் சட்டத் திருத்தம் செய்வதற்காக தெரிவு செய்யப்பட்ட குழு இரண்டாகப் பிளவுபட்டுத் தத்தமது இரு வௌ;வேறு அறிக்கைகளை 2018 இல் அரசிடம் ஒப்படைத்தனர் என்பது பற்றி மீண்டும் தெளிவு படுத்த வேண்டிய தேவை இருக்காது என்று கருதுகின்றேன்.

எனினும், நீதியரசர் சலீம் மர்சூப் அவர்களது அறிக்கையை மாத்திரம் அரசிடம் சமர்ப்பித்து சிபாரிசு செய்ய முஸ்லிம் அமைச்சர்களாலும் பாராளுமன்ற உறுப்பினர்களாலும்  ஆராயப்பட்டு, அவர்களது பிரேரணைகளுடன் நீதி அமைச்சிடம் ஒப்படைக்க இருந்த Nவைளையில், அதனைச் சற்று தாமதித்தாவது முழுமையான பரிசீலனையுடன் ஒப்படைக்கப்பட வேண்டும் என்ற கோரிக்கை வலுவான போது, முன்னாள் அமைச்சர் பவுஸி அவர்களது இல்லத்தில் நடைபெற்ற சந்திப்பில் ஒரு மீளாய்வுக் குழு அமைக்கப்பட்டது. 

சட்டத்தரணி சபானா குல் போன்றவர்களுக்கு அக்குழுவில்; ஓர் ஆலிம் அதில் அங்கம் வகிப்பதுதான்  அநியாயமாகத் தெரிகிறது. ஆனால் அவர் சார்ந்த குழுவினரின் தன்னிச்சையான அறிக்கை மாத்திரம் சமர்ப்பிக்கப்பட வேண்டும் என்பது நியாயமானதாகத் தெரிகிறது. 

இவர்களது வாதத்தின் பிரகாரம் இக்குழுவில் ஓர் ஆலிம் மதத்தலைவர் தெரிவு செய்யப்பட்டிருக்கக் கூடாது என்பதாகும். இவ்விவகாரம் அமைச்சர்கள் மற்றும் பாராளுமன்ற உறுப்பினர்கள் மட்டும் போதுமானவர்கள் என்பது உண்மையில் மிகப் பிழையான ஒரு வாதமாகும். ஷரீஅத்தோடு சம்பந்தப்பட்ட ஒரு விவகாரம் ஷரீஅத்தில் துறைசார்ந்தோர் இருக்கக் கூடாது என்பது ஏன்  என்பது புரியவில்லை. சமயத்தோடு சம்பந்தப்பட்ட ஒரு விவகாரத்தை சமயம் கற்காத ஒரு சாராரின் மூலம் மாத்திரம் நிறைவு செய்ய முடியும் என்பது நீங்கள் ஏதோ வெளிநாட்டுச் சக்க்திக்கும் நிகழ்ச்சி நிரலுக்கும் செயற்படுவதாகத் தோன்றுகின்றது.

பக்கச்சார்பாக ஒரு தரப்பினரின் அறிக்கை மாத்திரம்; சமர்ப்பிக்கப்படவிருந்த தறுனத்தில் அதனை மீளாய்வு செய்ய ஒரு மீளாய்வுக் குழு தெரிவுசெய்யப்பட்டதும் குறிப்பாக அதில் முஃப்தி ரிஸ்வி அவர்கள் உள்வாங்கப்பட்டிருப்பதும், 9 வருடங்கள் களத்தில் பணியாற்றிய சட்டத்தரணியை; சற்று நிலைகுலைய வைத்ததாக சுட்டிக் காட்டும் அதே வேளை, ஒரு பக்கத்து அறிக்கை மாத்திரம் அமைச்சர்களினால் நீதி அமைச்சருக்கு சமர்ப்பிக்கப்படுவதற்கான இறுதித் தறுவாயில்  இருக்கிறது என்ற செய்தி கேட்டு,  உங்களை விடவும் பல ஆண்டுகள் தஃவா மற்றும் சமய சமூகப் பணிகளில் ஈடுபட்டுக் கொண்டிருக்கும் அடுத்த தரப்பினரை நிலைகுலைய வைத்திருக்காதா? இது தானா உங்களது சட்டத்துறையின் நியதி?

முஸ்லிம் அமைச்சர்களினாலும் பாராளுமன்ற அங்கத்துவர்களாலும் வழங்கிய அங்கீகாரத்தை மீளாய்வு செய்வதற்கு ஒரு குழு தேவை என்பது இப்போது சட்டத்தரணி அவர்களுக்குப் புரிந்திருக்கலாம். 

பாராளுமன்ற அங்கத்துவரோ அமைச்சரோ அல்லாத ஒருவர் ஏன் இக்குழுவில் தெரிவு செய்யப்பட்டுள்ளார் என்பதை மடக்கி மடக்கி வினவும் சட்டத்தரணியிடம்; ஒரு விடயத்தை வினவும் உரிமை முஸ்லிம் சமூகத்துக்கு இருக்கிறது,

அதாவது, திருத்தக் குழுவில் மொத்தம் 17 அங்கத்தவர்கள் நியமிக்கப்பட்டிருந்தனர். அத்தோடு, அவர்களுக்கென்று நிர்வாகச் செயலாளர் ஒருவருவரும் நியமிக்கப்பட்டிருந்தார். அதில் 9 அங்கத்துவர்கள் ஜனாதிபதி சட்டத்தரணி பாயிஸ் முஸ்தபா அவர்களது அறிக்கையை அங்கீகரித்து (அவர்களுள் கலாநிதி ஷ{க்ரி, அஷ; iஷக் முபாறக் (மதனீ) அஷ; iஷக் ரிஸ்வி முஃப்தீ அடங்களாக) ஒப்பமிட்டு சமர்ப்பித்தனர்.

 நீதியரசர் சலீம் மர்சூப் தலைமையிலான அறிக்கையை 8 அங்கத்துவர்கள் மாத்திரம் (அவர்களில் எவரும் சன்மார்க்க அறிஞர்கள் கிடையாது என்ற நிலையில்) அங்கீகரித்துள்ளனர். இந்நிலையில் , நிர்வாகப் பணிக்காக அமர்த்தப்பட்டவர் அவர் இவ்வங்கத்துவர்களில் எவ்வகையிலும் அடங்காத இணைக்க முடியாத ஒருவரான திருமதி. டீல்ஹார அமரசிங்க அவர்களை எவ்வகையில் உள்ளடக்கி அவரது ஒப்பத்துடன் நீதி அமைச்சிடம் சமர்ப்பித்தார்கள்? இது சமூகத் துரோகமாக இல்லை? ஆவர்களது எண்ணிக்கையை சமப்படுத்தும் ஒரு கீழ்த்தரமான ஒரு செயற்பாடாக இது இல்லையா? இதுவெல்லாம் நியாயம் ஆனால் ஒரு மார்க்க அறிஞர் ஒருவர் குழுவில் உள்வாங்கப்பட்டுள்ளமை கேள்விப்பட்டதும் தலைசுற்றுகிறதா? அநியாயமாகத் தெரிகிறதா?.

அத்துடன், நீதியும் நியாயமுமான ஒரு பிரேரணை சமர்ப்பிக்கப்படுவதற்கான நம்பிக்கைச் சாத்தியம் எந்தளவுக்கு உள்ளது? ஏன்ற சந்தேகத்தைக் கிளப்பி தமது அறிக்கை மாத்திரமே நீதியானதும் நியாயமானதுமாகும். அடுத்த தரப்பினர்களில் அதிகமானவர்கள் முஸ்லிம்கள், குறிப்பாக சன்மார்க்க அறிஞர்கள் இருந்தும் அவர்களது அறிக்கை அநியாயமானதும் அநீதியானதும் என்ற தோற்றப்பாட்டையே  சமூகத்திற்குச் சொல்ல வருகிறார்கள் மாதர் குலத்தவர்கள்.

அது மாத்திரமின்றி, ஒரு நாட்டின் சட்டமானது மதக்கோட்பாடுகளுக்கு இடமளிக்கும் அதே வேளை, அந்நாட்டின் பொதுவான சட்டங்களுக்கும் அரசியலமைப்பு சட்டத்திற்கும் மாறுபடாத வகையில் அமைய வேண்டும் என்ற ஒரு பிழையான வாதத்தையும் முன் வைத்துள்ளார் சட்டத்தரணி.

ஆப்படியாயின் நீண்ட நெடுங்காலமாக இனவாதிகளான பொது பல சேனா போன்ற அமைப்புக்களும் இனவாதிகளும் இதனைத்தானே கோரிவருகின்றனர். அவர்களது நிகழ்ச்சி நிரலுக்கும் இவர்களுக்கும் ஏதாவது சம்பந்தம் இருக்கிறதா?

நாட்டின் பொதுவான சட்டங்களுக்கும்  அரசியலமைப்புக்கும் மாறுபடாத வகையில் இருக்குமாயின் அதற்கு எப்படி தனியார் சட்டம் என்று அழைக்கலாம்? அப்படியான ஒரு சட்டம் இருப்பதன் அர்த்தம் என்னவோ? முஸ்லிம்கள் என்பவர்கள் ஒரு ஷரீஆ கொடுக்கப்பட்டவர்கள், மற்றவர்கள் ஒரு ஷரீஆ இல்லாதவர்கள் அப்படி இருக்கும் பட்சத்தில் அவர்களது சட்டத்துக்கு மாறுபடாத ஒரு சட்டம் சாத்தியப்படுமா? என்பதை சட்டத்துறை கற்றவர்கள்தான் சொல்ல வேண்டும்.

இறுதியாக, 'இலங்கையின் காதி நீதிமன்ற முறைமையும் முஸ்லிம் பெண்கள் மீதான அதன் தாக்கமும்' என்ற நூலை மேற்படி சட்டத்தரணியின் அணியைச் சார்ந்த நீதியரசர் சலீம் மர்சூப் எழுதியுள்ளார். இதனை அவர்களது அமைப்பான, முஸ்லிம் பெண்கள் ஆராய்ச்சி செயல் முன்னணி வெளியிட்டுள்ளது. ஆனால் இதனை வெளியீடு செய்ய நிதியுதவி வழங்கியுள்ள நெதர்லாந்தைச் சேர்ந்த ர்ஐஏழுளு என்ற அமைப்புக்கும் உங்களுக்கும் என்ன சம்பந்தம் என்பதுவே எமது மற்றுமொரு ஐயமாகும். இவ்வமைப்புப்பற்றிய தகவல்களை மக்கள் இணையத்தில் பெற்றுக் கொள்ளலாம். இது தெநர்லாந்தைச் சார்ந்த அமைப்பாகும்.

இஸ்லாத்தில் பெண்களின் சுதந்திரம் பற்றி சட்டத்தரணிகள் ஆலிம்களுக்கு சொல்ல வேண்டிய தேவைகள் இருக்காது. ஆவர்கள் தான் பெண்களின் ஒழுக்கம், கல்வி மற்றும் சமயம் சார்ந்த விவகாரங்களை எமக்குப் போதிப்பவர்கள். 

சட்டத்தரணியின் இறுதியான குற்றச்சாட்டு, குறிப்பிட்ட சிலரின் சுய இலாபங்களுக்காக தவறாகப் பொருள் கோடல் செய்யப்பட்டு, அடிப்படைவாதக் கோட்பாடுகளாகவும், தீவிரப் போக்கான கொள்கைகளாகவும் மாறக் கூடாது என்கின்றார்.

நாமும் மடக்கி மடக்கி அதனையே எதிர்பார்க்கின்றோம் என்று சொல்லிக் கொள்கின்றோம். 20 இலட்சம் மக்களின் அபிலாசைகளை குறிப்பிட்ட சில பெண்களின் சுய இலாபங்களுக்காக அவர்களது மனோஇச்சையின் பால் முழு பெண்கள் சமூகத்தையும் தள்ளிவிட வேண்டாம். அல்லாஹ்வையும் மறுமை நாளையும் பயந்து, இஸ்லாத்தையும் முஸ்லிம்களையும் அடிப்படைவாதிகளாகவும், தீவிரப்போக்காளர்களாகவும் ஏனைய சமூகத்தவர்களுக்கு காண்பிக்க முற்பட வேண்டாம்.

இஸ்லாமிய ஷரீஆவின் சட்டங்கள் தெளிவானவை. அதனை ஸலஃபுகளின் வழிநின்று பெற்றுக் கொண்டால், அது அடிப்படைவாதமாகவோ, தீவிரவாதமாகவே தெரியாது. அவ்வாறு புரிந்து கொண்டால் மாத்திரமே, இரு பாலாரின் அடிப்படைச் சுதந்திரம், உரிமை, கௌரவம், கண்ணியம், என்பன ஒரு போதும் பாதிக்கப்பட வாய்ப்பிருக்காது என்பதை உரியவர்கள் புரிந்து கொள்ள வேண்டும்.