முஸ்லிம்களின் மீள்குடியேற்ற தரவுகள் இல்லை. உடனடியாக பிரதேச செயலகங்களில் பதிய கோரிக்கை
-SNM.Suhail-
வடக்கு மாகாண முஸ்லிம்கள் மீள்குடியேற்றத்திற்காக தங்களை பிரதேச செயலகங்களில் பதிந்துகொள்ள வேண்டும் என மீள்குடியேற்றம், சிறைச்சாலைகள் மறுசீரமைப்பு, புனர்வாழ்வு மற்றும் இந்து மதவிவகார அமைச்சர் டி.எம்.சுவாமிநாதன் தெரிவித்தார்.
வடக்கு மாகாண மீள்குடியேற்றம் குறித்து நல்லாட்சிக்கான தேசிய முன்னணி மீள்குடியேற்றம், சிறைச்சாலைகள் மறுசீரமைப்பு, புனர்வாழ்வு மற்றும் இந்து மதவிவகார அமைச்சர் டி.எம்.சுவாமிநாதனை சந்தித்து கலந்துரையாடியது. கொழும்பு 03 இல் உள்ள அமைச்சில் நேற்று வியாழக்கிழமை இக் கலந்துரையாடல் இடம்பெற்றது. இதன் போதே அமைச்சர் மேற்கண்டவாறு தெரிவித்தார்.
வடக்கு மாகாண சபை உறுப்பினர் அஸ்மின் அய்யூப், நல்லாட்சிக்கான தேசிய முன்னணியின் பொதுச் செயலாளர் அஷ் ஷெய்க் நஜா முஹம்மத் மற்றும் யாழ்ப்பாணம், வவுனியா, மன்னார், முல்லைத்தீவு, கிளிநொச்சி ஆகிய மாவட்டங்களை பிரதிநிதித்துவப்படுத்தும் சிவில் சமூக பிரதிநிதிகள் மற்றும் மீள்குடியேற்றம், சிறைச்சாலைகள் மறுசீரமைப்பு, புனர்வாழ்வு மற்றும் இந்து மதவிவகார அமைச்சின் செயலாளரும் இந்த சந்திப்பில் கலந்துகொண்டனர்.
முஸ்லிம்களின் மீள்குடியேற்றம் குறித்து கடந்த டிசம்பர் மாதம் ஜனாதிபதி தலைமையில் இடம்பெற்ற கலந்துரையாடலின் போது முஸ்லிம்களின் மீள்குடியேற்றத்தை துரிதப்படுத்துவதற்காக மீள்குடியேற்ற அமைச்சரின் தலைமையில் விஷேட குழுவொன்று நியமிக்கப்பட்டது. இக்குழுவின் மூலம் முஸ்லிம்களின் மீள்குடியேற்றத்தை சாத்தியப்படுத்துவதற்கான தரவுகளை திரட்டுவதற்கான நடவடிக்கைகள் மேற்கொள்ளப்பட்டன. எனினும் இவ்விடயம் குறித்தே நேற்றைய தினம் மீள்குடியேற்ற அமைச்சில் கலந்துரையாடல் இடம்பெற்றது.
இதன்போது மீள்குடியேற்ற அமைச்சர் மேலும் தெரிவிக்கையில், 1990 ஆம் ஆண்டு வெளியேற்றப்பட்ட முஸ்லிம்களின் மீள்குடியேற்றத்தை முன்னெடுப்பதற்காக நாம் பல்வேறுபட்ட முயற்சிகளை மேற்கொண்டு வருகின்றோம். இன, மத, பேதங்களுக்கு அப்பால் மனித நேயத்தின் அடிப்படையில் இவ்விடயம் கையாளப்பட வேண்டிய தேவை இருக்கின்றது.
முஸ்லிம் மக்களின் மீள்குடியேற்றத்தை முன்னெடுப்பதற்கு தேவையான தரவுகளும் பதிவுகளும் எம்மிடம் இல்லை. இவற்றை பிரதேச செயலகங்கள் ஊடாக திரட்டுவதற்கான நடவடிக்கைகள் மேற்கொள்ளப்படுகின்றன.
அதற்கான சுற்றுநிருபங்கள் அமைச்சினால் வடக்கிலுள்ள அனைத்து பிரதேச செயலகங்களுக்கும் அனுப்பி வைக்கப்பட்டுள்ளன. இதனை அடிப்படையாககொண்டு நாம் தரவுகளை சேகரிக்க திட்டமிட்டுள்ளோம் என்றார்.
இதன்போது வடமாகாண சபை உறுப்பினர் அஸ்மின் இவ்வாறான பதிவுகளை முன்னெடுப்பதில் சிக்கல்கள் இருக்கின்றன. குறிப்பாக மக்கள் விழிப்பூட்டப்படவில்லை என்றார்.
இதற்கு பதிலளித்த மீள்குடியேற்ற அமைச்சர், நாம் அனைத்து பொறுப்புகளையும் பிரதேச செயலகங்களுக்கு ஒப்படைத்துள்ளோம். அவர்கள் தமது கடமையை பொறுப்புடன் மேற்கொள்வார்கள் என எதிர்பார்க்கின்றோம். இவ்விடயத்தில் குறைபாடுகளோ தொடர்பாடல் சிக்கல்களே இருப்பின் நீங்கள் இவ்விடயத்தில் பிரதேச செயலகங்களுடன் இணைந்து பணியாற்றுங்கள்.
மக்களின் மீள்குடியேற்றத்தை மேற்கொள்வதற்கு ஒத்துழைப்புகள் தேவைப்படுகின்றன. அதற்கு புதிய குழுக்களை அமைத்து காலத்தை வீணடிப்பதை என்னால் அனுமதிக்க முடியாது.
இவ்விடயத்தை புதிய புதிய திட்டங்களை அறிமுகப்படுத்தி இன்னும் 5 அல்லது 10 வருடங்களை வீணடிப்பதற்கு நான் விரும்பவில்லை. நாம் முன்னெடுக்கும் திட்டத்தில் ஏதேனும் பிழைகள் இருப்பின் அவற்றை எழுத்து மூலம் சுட்டிக்காட்டி எம்மோடு இணைந்து பணியாற்றுங்கள். மக்களின் மீள்குடியேற்றத்தில் நாம் மிகவும் அக்கறையுடனேயே இருக்கிறோம். இத்திட்டங்களுக்கு இடையூறுகள் விளைவிப்பவர்கள் இருக்கின்றனர்.
தொடர்ச்சியாக வரும் திட்டங்களுக்கு தடைகளை ஏற்படுத்துவதன் மூலம் முஸ்லிம்களின் முன்னேற்றமே தடைப்படுகின்றது என்றும் மீள்குடியேற்ற அமைச்சர் தனது ஆதங்கத்தை வெளிப்படுத்தினார்.
இதேவேளை வடக்கு முஸ்லிம்களின் பதிவுகள் குறித்து பிரதேச செயலகம் தோறும் நல்லாட்சிக்கான தேசிய முன்னணி செயற்பட வேண்டும் என்றும் இவ்விடயத்திற்கு பூரண ஒத்துப்பை எதிர்பார்ப்பதாகவும் மீள்குடியேற்ற அமைச்சர் மேலும் தெரிவித்தார்.
வடக்கு மாகாண முஸ்லிம்கள் மீள்குடியேற்றத்திற்காக தங்களை பிரதேச செயலகங்களில் பதிந்துகொள்ள வேண்டும் என மீள்குடியேற்றம், சிறைச்சாலைகள் மறுசீரமைப்பு, புனர்வாழ்வு மற்றும் இந்து மதவிவகார அமைச்சர் டி.எம்.சுவாமிநாதன் தெரிவித்தார்.
வடக்கு மாகாண மீள்குடியேற்றம் குறித்து நல்லாட்சிக்கான தேசிய முன்னணி மீள்குடியேற்றம், சிறைச்சாலைகள் மறுசீரமைப்பு, புனர்வாழ்வு மற்றும் இந்து மதவிவகார அமைச்சர் டி.எம்.சுவாமிநாதனை சந்தித்து கலந்துரையாடியது. கொழும்பு 03 இல் உள்ள அமைச்சில் நேற்று வியாழக்கிழமை இக் கலந்துரையாடல் இடம்பெற்றது. இதன் போதே அமைச்சர் மேற்கண்டவாறு தெரிவித்தார்.
வடக்கு மாகாண சபை உறுப்பினர் அஸ்மின் அய்யூப், நல்லாட்சிக்கான தேசிய முன்னணியின் பொதுச் செயலாளர் அஷ் ஷெய்க் நஜா முஹம்மத் மற்றும் யாழ்ப்பாணம், வவுனியா, மன்னார், முல்லைத்தீவு, கிளிநொச்சி ஆகிய மாவட்டங்களை பிரதிநிதித்துவப்படுத்தும் சிவில் சமூக பிரதிநிதிகள் மற்றும் மீள்குடியேற்றம், சிறைச்சாலைகள் மறுசீரமைப்பு, புனர்வாழ்வு மற்றும் இந்து மதவிவகார அமைச்சின் செயலாளரும் இந்த சந்திப்பில் கலந்துகொண்டனர்.
முஸ்லிம்களின் மீள்குடியேற்றம் குறித்து கடந்த டிசம்பர் மாதம் ஜனாதிபதி தலைமையில் இடம்பெற்ற கலந்துரையாடலின் போது முஸ்லிம்களின் மீள்குடியேற்றத்தை துரிதப்படுத்துவதற்காக மீள்குடியேற்ற அமைச்சரின் தலைமையில் விஷேட குழுவொன்று நியமிக்கப்பட்டது. இக்குழுவின் மூலம் முஸ்லிம்களின் மீள்குடியேற்றத்தை சாத்தியப்படுத்துவதற்கான தரவுகளை திரட்டுவதற்கான நடவடிக்கைகள் மேற்கொள்ளப்பட்டன. எனினும் இவ்விடயம் குறித்தே நேற்றைய தினம் மீள்குடியேற்ற அமைச்சில் கலந்துரையாடல் இடம்பெற்றது.
இதன்போது மீள்குடியேற்ற அமைச்சர் மேலும் தெரிவிக்கையில், 1990 ஆம் ஆண்டு வெளியேற்றப்பட்ட முஸ்லிம்களின் மீள்குடியேற்றத்தை முன்னெடுப்பதற்காக நாம் பல்வேறுபட்ட முயற்சிகளை மேற்கொண்டு வருகின்றோம். இன, மத, பேதங்களுக்கு அப்பால் மனித நேயத்தின் அடிப்படையில் இவ்விடயம் கையாளப்பட வேண்டிய தேவை இருக்கின்றது.
முஸ்லிம் மக்களின் மீள்குடியேற்றத்தை முன்னெடுப்பதற்கு தேவையான தரவுகளும் பதிவுகளும் எம்மிடம் இல்லை. இவற்றை பிரதேச செயலகங்கள் ஊடாக திரட்டுவதற்கான நடவடிக்கைகள் மேற்கொள்ளப்படுகின்றன.
அதற்கான சுற்றுநிருபங்கள் அமைச்சினால் வடக்கிலுள்ள அனைத்து பிரதேச செயலகங்களுக்கும் அனுப்பி வைக்கப்பட்டுள்ளன. இதனை அடிப்படையாககொண்டு நாம் தரவுகளை சேகரிக்க திட்டமிட்டுள்ளோம் என்றார்.
இதன்போது வடமாகாண சபை உறுப்பினர் அஸ்மின் இவ்வாறான பதிவுகளை முன்னெடுப்பதில் சிக்கல்கள் இருக்கின்றன. குறிப்பாக மக்கள் விழிப்பூட்டப்படவில்லை என்றார்.
இதற்கு பதிலளித்த மீள்குடியேற்ற அமைச்சர், நாம் அனைத்து பொறுப்புகளையும் பிரதேச செயலகங்களுக்கு ஒப்படைத்துள்ளோம். அவர்கள் தமது கடமையை பொறுப்புடன் மேற்கொள்வார்கள் என எதிர்பார்க்கின்றோம். இவ்விடயத்தில் குறைபாடுகளோ தொடர்பாடல் சிக்கல்களே இருப்பின் நீங்கள் இவ்விடயத்தில் பிரதேச செயலகங்களுடன் இணைந்து பணியாற்றுங்கள்.
மக்களின் மீள்குடியேற்றத்தை மேற்கொள்வதற்கு ஒத்துழைப்புகள் தேவைப்படுகின்றன. அதற்கு புதிய குழுக்களை அமைத்து காலத்தை வீணடிப்பதை என்னால் அனுமதிக்க முடியாது.
இவ்விடயத்தை புதிய புதிய திட்டங்களை அறிமுகப்படுத்தி இன்னும் 5 அல்லது 10 வருடங்களை வீணடிப்பதற்கு நான் விரும்பவில்லை. நாம் முன்னெடுக்கும் திட்டத்தில் ஏதேனும் பிழைகள் இருப்பின் அவற்றை எழுத்து மூலம் சுட்டிக்காட்டி எம்மோடு இணைந்து பணியாற்றுங்கள். மக்களின் மீள்குடியேற்றத்தில் நாம் மிகவும் அக்கறையுடனேயே இருக்கிறோம். இத்திட்டங்களுக்கு இடையூறுகள் விளைவிப்பவர்கள் இருக்கின்றனர்.
தொடர்ச்சியாக வரும் திட்டங்களுக்கு தடைகளை ஏற்படுத்துவதன் மூலம் முஸ்லிம்களின் முன்னேற்றமே தடைப்படுகின்றது என்றும் மீள்குடியேற்ற அமைச்சர் தனது ஆதங்கத்தை வெளிப்படுத்தினார்.
இதேவேளை வடக்கு முஸ்லிம்களின் பதிவுகள் குறித்து பிரதேச செயலகம் தோறும் நல்லாட்சிக்கான தேசிய முன்னணி செயற்பட வேண்டும் என்றும் இவ்விடயத்திற்கு பூரண ஒத்துப்பை எதிர்பார்ப்பதாகவும் மீள்குடியேற்ற அமைச்சர் மேலும் தெரிவித்தார்.
எத்தனை தடவைகள்தான் மீள்குடியேற்ற தரவுகள் சேகரிப்பட்டாலும் தோன்றிமறையும் தமிழ் அரசியல்வாதிகள் முஸ்லிம் தரவுகள் இல்லை.... தரவுகள் இல்லையென்றே காலத்தை வீணடிப்பது கைவந்த கலையாப்போச்சே... பாவம் அப்பாவி மக்கள் தினமும் கூலித்தொழிலை விவசாயத்தை நம்பி வாழும் மக்கள் போட்டோ கோப்பி எடுத்தே கிடைக்கும் பணமும் வீணாப்போச்சு.
ReplyDeleteமக்களின் வரிப்பணத்தில் சொகுசாக ஓசியாக வாழும் அரச உத்தியோகத்தர்களும் பொதுமக்களை தரவுகள் சேகரிக்கும் விடயத்தில் கடுகடுப்போடு நடந்துகொள்கிறார்கள்.கடினமான நடைமுறைகள் பின்பற்றப் படுகின்றன. ஷோப்பிங் பேங்கோடு 24 மணித்தியால காலக்கெடுவில் பாசிசப்புலிப்பினாமிகளால் பலவந்தமாக விரட்டப்பட்டவர்களிடம்..
1- பிறப்புச் சான்றிதல் இருக்க வாய்ப்புண்டா?
2- இறப்புச் சான்றிதல் இருக்க வாய்ப்புண்டா?
3- காணி உறுதிப்பத்திரம் இருக்குமா?
3- தாய் தகப்பனின் பிறப்பு இறப்பு சான்றிதல்கள் இருக்குமா?
4- விவாகப் பதிவு இருக்குமா?
5- அடையாள அட்டை இருக்குமா?
இது பாடசாலை செல்லும் சிறுவனுக்கும் கூட புரியும். ஆனால் தமிழ் தலைமைகளுக்கு புரியவைக்க முடியாது. தரவுகள் சேகரிக்கும் போது அரச உத்தியோகத்தர்கள் வேண்டுமென்றே கடினமான நடைமுறைகளை கையால்கிரார்கள்.முஸ்லிம்களை நிராகரிக்க வேண்டுமென்றே சில த..றுதலைகள் கங்கணக் கட்டிக்கொன்றே செயற்படுகிறார்கள்.
மரத்தில் இருந்து விழுந்தவனை மாடு மிதித்து பாம்பும் குத்திய கதையாப் போச்சு... வடமாகாண முஸ்லிம்களின் கதை.......
வாக்குப் பிச்சை கேட்டு வீடு தேடிச்சென்றவர்கள்.... ஏன் அவர்களின் வீடு சென்று தரவுகள் சேகரிக்க முடியாமல் போனது?