"டவுன் சிண்ட்ரோம் பெண்"

தமது குறைகளை எண்ணி, எண்ணி வருத்தப்படும் பலருக்கு மத்தியில், குறைகளையே தனக்கு சாதகமாக்கிக் கொண்ட டவுன் சிண்ட்ரோம் பெண் அனைவரையும் ஆச்சரியத்தில் ஆழ்த்தியுள்ளார்.

மரபணுக் கோளாரால் ஏற்படும் ‘டவுன் சிண்ட்ரோம்’ நோயுடன் பிறந்த, எம்மா லினாம்(21), என்பவருக்கு, ஆட்டிசம் நோயின் தாக்கமும் இருந்தது. தனது நோயால், எழுதப் படிக்க முடியாத நிலையில் உள்ள எம்மா தற்போது தனக்கு விருப்பமான வேலையை தொழிலாகவும் செய்து வருகின்றார்.

பள்ளிப் பருவம் முதலே, அலுவலகப் பணிக்கான பயிற்சி என வரும்போது, எம்மா, அலுவலகங்களின் முக்கியமான ஆவணங்களை, துண்டு துண்டாய் கிழிக்கும் ஷ்ரெட்டிங் செய்யும் சாதனத்தில் அமர்ந்து பணி புரிய முற்படவே அதிகம் விரும்புவார்.

பொதுவாக அரசு அலுவலகங்கள் உட்பட பெரிய நிறுவனங்கள் பல, தமது நிறுவனம் பற்றிய ரகசியங்கள் வெளியில் கசிவதைத் தடுக்க அவற்றை முற்றிலும் அழிப்பதற்காக, இந்த ஷ்ரெட்டிங் சாதனத்தை பயன்படுத்துவர்.

ஒரு கட்டத்தில், அவளது எந்த திறமையின் வழியே அவளது வாழ்க்கை, பயணிக்க வேண்டும் என யோசித்தபோது, முக்கிய ஆவணங்களை அழிக்கும் பணியில் இறங்க எம்மாவின் அம்மா அறிவுறுத்தினார்.

இதைத்தொடர்ந்து, மாஸ்டர் ஷ்ரெட்டர் என்கிற நிறுவனத்தைத் தொடங்கி தற்போது நான்கு நிறுவனங்களின், ஆவணங்களை அழிக்கும் வேலையில் ஈடுபட்டுள்ளார் எம்மா. இதன்மூலம், எழுத, படிக்க முடியாத தனது குறை, எம்மாவின் தொழிலுக்கு சாதகமாக உள்ளது. ஏனெனில், ஆவணங்களின் ரகசியம் வெளியேற எம்மா காரணமாக மாட்டார்.

"இந்த செய்தி / கட்டுரைக்குரிய உங்கள் கருத்தை கீழே பதிவு செய்யுங்கள்"