ரணில் அனுப்பிய 19 ஆயிரம் கடிதங்களை மலசலகூடத்திற்குள் போட்டவர்களுக்கு ஆப்பு

மொரட்டுவை தபால் நிலையத்தின் ஊழியர்கள் இருவர் பணி இடைநிறுத்தம் செய்யப்பட்டுள்ளனர்.

கடந்த நாடாளுமன்றத் தேர்தலின் போது வேட்பாளர்கள் வாக்காளர்களுக்கு அனுப்பிய சுமார் 19 ஆயிரம் கடிதங்கள் கைவிடப்பட்ட மலசலகூடக் குழியொன்றுக்குள் இருந்து கண்டெடுக்கப்பட்டது.

இவற்றில் பெரும்பாலானவை பிரதமர் ரணில் விக்கிரமசிங்க வாக்காளர்களுக்கு அனுப்பிய கடிதங்களாகும்.

இது குறித்து மேற்கொள்ளப்பட்ட விசாரணைகளின் பின்னரே இன்று இரண்டு தபால் ஊழியர்கள் தற்காலிகமாக பணி இடைநிறுத்தப்பட்டுள்ளார்கள்.

இவர்களுக்கு எதிராக தபால் திணைக்களத்தினால் விசேட விசாரணையொன்று மேற்கொள்ளப்படவுள்ளது.

அத்துடன் பொலிசாரும் இது தொடர்பான தனியான விசாரணைகளை மேற்கொண்டு வருகின்றனர்.

விசாரணை முடிவில் இவர்கள் குற்றவாளிகளாக நிரூபிக்கப்படும் பட்சத்தில் தொழிலிலிருந்து முழுமையாக வெளியேற்றப்படுவதுடன், சிறைத்தண்டனையும் அனுபவிக்க நேரிடும் என்றும் பொலிசார் தெரிவித்துள்ளனர்.