தேசிய அரசாங்கத்தை கைவிட்டு, தனித்து ஆட்­சி­ய­மைக்கதயார் - கபீர் ஹாசிம் அதிரடி

அமைச்சுப் பத­வி­களை பகிர்­வதில் இழு­பறி நிலைமை தலைதூக்­கி­யுள்­ளதால் ஐக்­கிய தேசிய முன்­ன­ணிக்கும் ஸ்ரீ லங்கா சுதந்­திரக் கட்­சிக்­கு­மி­டை­யே­யான தேசிய அரசாங்கத்தை அமைப்பதில் சிக்கல் நிலைமை ஏற்­பட்­டுள்­ள­தாக தெரி­வித்த ஐக்­கிய தேசியக் கட்­சியின் பொதுச் செய­லா­ள­ரும் அமைச்­ச­ரு­மான கபீர் ஹாசிம், எதிர்க்­கட்சி விரும்­பா­விட்டால் தேசிய அரசாங்க யோச­னையைக் கைவிட்டு தனித்து ஐக்­கிய தேசியக் கட்சி ஆட்­சி­ய­மைக்கதயார் என்றும் கூறினார்.

ஜனாதிபதி மைத்திரிபால சிறிசேன தலையிட்டு இந்த விடயத்தில் உரிய தீர்வை காண்பார் என்ற நம் பிக்கை உள்ளதாகவும் அவர் மேலும் தெரிவித்தார்.

இது தொடர்­பாக கபீர் ஹாசிம் மேலும் தெரிவிக்­கையில், 

புதிய அர­சாங்­கத்தில் அமைச்சர் பத­வி­களை ஏற்கும் நிகழ்வு இன்று இடம்­பெற மாட்­டாது.இந்நிகழ்வு மேலும் கால­தா­ம­த­மாகும் நிலைமை தலை­தூக்­கி­யுள்­ளது. ஜனா­தி­பதி மைத்­திரி பால­சி­றி­சே­னவுடன் பிர­தமர் ரணில் விக்­கி­ர­சிங்க ஏற்­ப­டுத்திக் கொண்ட இணக்­கப்­பாட்­டுக்கு அமை­யவும், ஜனா­தி­ப­திக்கு மதிப்­ப­ளித்­துமே ஐக்­கிய தேசியக் கட்சி ஸ்ரீ லங்கா சுதந்­திரக் கட்­சி­யுடன் இணைந்து தேசிய அரசு அமைக்க விருப்பம் தெரி­வித்­தது.

கடந்த வெள்ளிக்­கி­ழமை ஜனா­தி­பதி மைத்­திரி பால­சி­றி­சேன முன்­னி­லையில் பிர­தமர் ரணில் விக்­கி­ர­ம­சிங்க பத­வி­யேற்ற பின்னர், மேற்­கண்ட இணக்­கப்­பாட்­டிற்கு அமை­யவே சுதந்­திரக் கட்­சி­யுடன் இரண்டு வரு­டங்­க­ளுக்­கான தேசிய அரசாங்கத்தை அமைப்­ப­தற்­கான உடன்­ப­டிக்கை கைச்­சாத்­தி­டப்­பட்­டது.

ஆனால் இன்று அதிகளவில் அமைச்­ச­ர் பத­வி­கள் தமக்கு வழங்கப்பட வேண்டுமென்று சுதந்­திரக் கட்­சி­யினர் கோரு­கின்­றனர். இக் கோரிக்கை அநீ­தி­யான கோரிக்­கை­யாகும். நடந்து முடிந்த பொதுத் தேர்­தலில் ஐக்­கிய தேசிய முன்­ன­ணிக்கு 107 ஆச­னங்கள் கிடைத்­துள்­ளன. எனவே எமக்கு இன்னமும் ஆட்­சி­ய­மைக்க 6 பேரின ஆத­ரவே தேவைப்­ப­டு­கின்­றது. ஆனால் தற்­போது 25 பேர் எம்­முடன் இணை­வ­தற்கு விருப்பம் தெரி­வித்­துள்­ளனர். இதனால் எதிர் கட்­சி­யினர் எம்­முடன் இணைந்­தது தேசிய அரசை ஏற்­ப­டுத்த விரும்­பா­விட்டால் நாம் எமக்­குள்ள 107 ஆச­னங்­க­ளுடன் எமக்கு ஆத­ரவு வழங்­கு­வோரை இணைத்துக் கொண்டு ஆட்­சி­ய­மைக்க தயா­ரா­க­வுள்ளோம்.

அதிக ஆச­னங்­களை ஐக்­கிய தேசிய முன்­னணி பெற்­றுள்ள நிலையில் எப்­படி ஸ்ரீ லங்கா சுதந்­திரக் கட்­சிக்கு அதிக அமைச்சுப் பத­வி­களை வழங்க முடியும்? அவ்­வாறு கோரு­வது நியா­ய­மற்­ற­தாகும். இதற்கு இணங்­கவும் முடி­யாது. எனவே எமது பாதையில் நாம் தனித்து பய­ணிக்­கலாம்.

அமைச்சுப் பத­வி­களை பெற்றுக் கொள்­வதில் இரு தரப்­பிலும் இழு­பறி நிலை தலை­தூக்­கி­யுள்­ளது. எனவே இன்­றைய தினம் அமைச்சுப் பத­வி­களை பெற்றுக் கொள்ளும் நிகழ்வு இடம்­பெ­றாது. அது கால தாம­த­மாகும்.

கடந்த 1989 ஆம் ஆண்­டுக்கு பின்னர் இலங்­கையில் இடம்­பெற்ற தேர்­தல்­களில் 105, 106, 107 ஆச­னங்கள் பெறப்­பட்­டன. எனவே தனித்து ஆட்­சி­ய­மைக்க முடி­ய­வில்லை. 2001 ஆம் ஆண்­டிலும் ஐக்­கிய தேசியக் கட்சி 104 ஆச­னங்­க­ளையே பெற்­றது. 2010 ஆம் ஆண்டில் தான் முன்னாள் ஜனாதிபதி மகிந்த ராஜபக்ஷ 140 பெரும்பான்மை ஆசனங்களைப் பெற்றார்.

அதன் பின்னர் இன்று 2015 இல் இடம்பெற்ற தேர்தலில் எமக்கு 107 ஆசனங்கள் கிடைத்தள்ளன. ஆட்சியமைக்க ஆறுபேரின் ஆதரவே தேவை என்றும் அவர் தெரிவித்தார்.