பொது எதிரணியின் வெற்றியில், முஸ்லிம் காங்கிரஸ் பங்கெடுக்கும் - ராஜித சேனாரத்ன
எமது தேசிய அரசாங்கத்தில் ஒற்றுமையும் சமத்துவமுமே நிலைநாட்டப்படும். தேசிய அரசில் தமிழ்த் தேசியக் கூட்டமைப்பின் உண்மையான ஒத்துழைப்பினை எதிர்பார்க்கின்றோம் என தெரிவிக்கும் முன்னாள் அமைச்சரும் பொது எதிரணியின் முக்கிய உறுப்பினருமான ராஜித சேனாரத்ன, பொது எதிரணியின் வெற்றியில்கூட்டமைப்பு, முஸ்லிம் காங்கிரஸ் பங்கெடுக்கும் எனவும் நம்புவதாக தெரிவித்தார்.
பொது எதிரணியின் செயற்பாட்டில் சிறுபான்மை மக்களின் பங்கு எவ்வாறானது என வினவிய போது அவர் மேற்கண்டவாறு தெரிவித்தார்.
அவர் மேலும் குறிப்பிடுகையில்,
சர்வாதிகார ஆட்சிக்கு முற்றுப்புள்ளி வைத்து சமாதானமானதும் அனைத்து மக்களின் உரிமைகளை வென்றெடுக்கும் அரசாங்கமொன்றினை உருவாக்குவதே பொது எதிரணியின் பிரதான இலக்கு. நாட்டை சரியான பாதையில் வழி நடத்த வேண்டும்.
மக்களின் உரிமைகளை வென்றெடுக்க வேண்டும். அதற்காகவே நாம் ஆட்சி மாற்றத்திற்கான போராட்டத்தினை ஆரம்பித்துள்ளோம். மேலும் தமிழ் தேசியக் கூட்டமைப்பு உட்பட தமிழ் பிரதி நிதித்துவம் சரியான முடிவினை எடுக்கும் என எமக்கு நம்பிக்கை உண்டு. அதேபோல் முஸ்லிம் மக்களின் பிரதி நிதித்துவமும் தற்போது சரியாக செயற்பட வேண்டும் என வலியுறுத்துகின்றோம்.
எனவே எமது தேசிய அரசாங்கத்தில் சிங்கள பிரதிநிதித்துவத்தின் ஒத்துழைப்பு எவ்வாறோ அதேபோல் தமிழ் முஸ்லிம் மக்களின் பிரதிநிதித்துவமும் மிகச் சரியானதாகவும் உதவக் கூடிய வகையிலும் அமைய வேண்டும். தமிழ் தேசியக் கூட்டமைப்பு போன்ற தமிழ் மக்களை பிரதிநிதித்துவப்படுத்தும் கட்சிகள் எமது தேசிய அரசாங்கத்தில் உண்மையானதாகவும் ஆதரவாகவும் செயற்பட வேண்டும் என்பதே எமது எதிர்பார்ப்பு.
அதேபோல் இம்முறை நாம் ஜனநாயகத்தினை வென்றெடுக்கும் புனிதப் போராட்டத்தில் ஒன்று திரண்டுள்ளோம். மக்களையும் நாட்டையும் காப்பாற்ற எமக்கு கிடைத்துள்ள இறுதி சந்தர்ப்பமாகக் கூட இது அமையலாம். எனவே இப் பொதுப் போராட்டத்தில் பொது எதிரணியின் தமிழ் தேசியக் கூட்டமைப்பு மற்றும் ஸ்ரீலங்கா முஸ்லிம் காங்கிரஸ் ஆகிய கட்சிகள் எம்மை பலப்படுத்தி பொது எதிரணியினை ஆதரிக்கும் என்ற நம்பிக்கை எமக்கு இருக்கின்றது. காலம் காத்திருக்கின்றது. வெகு விரைவில் மாற்றத்திற்கான பலம் அதிகரிக்கும் எனவும் அவர் குறிப்பிட்டார்.
Dear Sir Rajitha Sena Ratna,
ReplyDeleteDon't worry if they support or not but most of the Minorities have decided to support for your victory. Few Idiots will follow their leaders but it is also unsure. Cheating their leaders, they may vote for MY3.