கல்முனையில் ஜெனீவா பிரேணைக்கு எதிராகவும், மஹிந்தவிற்கு ஆதரவாகவும் பேரணிக்கு ஏற்பாடு

(ஏ.பி.எம்.அஸ்ஹர் + யு.எம்.இஸ்ஹாக்)

ஜெனீவாவில் அமெரிக்காவினால்  இலங்கைக்கு எதிராகக்கொண்டுவரப்பட்டுள்ள பிரேரனைக்கு எதிர்ப்புத் தெரிவித்தும் ஜனாதிபதி மஹிந்த ராஜபக்ஷவுக்கு ஆதரவு தெரிவித்தும் நாளை வெள்ளிக்கிழமை 2014.03.14 மாபெரும் பேரணியொன்று கல்முனையில் நடைபெறவுள்ளது.

 முஸ்லிம் சமுகத்தினால் ஏற்பாடு செய்யப்பட்டுள்ள இப்பேரணி நாளை வெள்ளிக்கிழமை ஜூம்ஆ தொழுகையைத் தொடர்ந்து இடம்பெறவுள்ளது.

கல்முனை முகைதீன் ஜூம்ஆ பெரிய பள்ளிவாசலிலிருந்து ஆரம்பமாகவுள்ள இப்பேரணி கல்முனை நகரப் பிரதேசம் ஊடாகச்சென்று  பிரதேசசெயலகத்தில் வைத்து பிரதேச செயலாளரிடம் மகஜரொன்றையும் கையளிக்கவுள்ளது.

இதற்கான ஏற்பாடுகளை கல்முனை முகைதீன் ஜூம்ஆ பெரிய பள்ளிவாயல், கல்முனை நகர் ஜும்ஆ பள்ளிவாயல், கல்முனை அன்சார் சுன்னத்தில் முஹம்மதிய்யா ஜும்ஆ பள்ளிவாயல், இஸ்லாமபாத் அக்பர் ஜும்ஆ பள்ளிவாசல் ஆகியன உட்பட இப்பிரதேசத்திலுள்ள 25பள்ளிவாயல்கள், 3வர்த்தக, கைத்தொழில் அமைப்புக்கள், 22 சமூக சேவை மற்றும் இளைஞர் அமைப்புக்கள், மற்றும் 20 க்கும் மேற்பட்ட விளையாட்டுக்கழகங்கள் என்பன இணைந்து ஏற்பாடு செய்துள்ளன.