நாட்டில் மத நல்லிணக்கம் ஏற்பட்டுள்ளது, அரசை விட்டு வெளியேற விரும்புவோரை தடுக்கவும் இல்லை - ஜனாதிபதி மஹிந்த

நாட்டில் மத நல்லிணக்கம் ஏற்பட்டுள்ளதாக ஜனாதிபதி மஹிந்த ராஜபக்ச தெரிவித்துள்ளார். மத நல்லிணக்கம் தொடர்பில் விமர்சனம் செய்யும் தரப்பினர், இலங்கையின் மத நல்லிணக்கம் பற்றி நேரில் வந்து பார்வையிட்டுக்கொள்ள முடியும்.

காலி மைதானத்தில் நடைபெற்ற பிரச்சாரக் கூட்டமொன்றில் பங்கேற்ற போது அவர் இதனைத் தெரிவித்துள்ளார்.

பயங்கரவாதத்திற்கு எதிராக போர் நடத்தப்படதே தவிர தமிழர்களுக்கு எதிராக அல்ல. மக்களின் இதயங்களை வென்றெடுப்பதே எமது நோக்கமாகும். நாட்டில் பிரச்சினைகளை தீர்ப்பதே அரசாங்கத்தின் நோக்கமாகும்.

எனினும், சில ராஜதந்திரிகளும் அரச சார்பற்ற நிறுவனங்களும் பிரச்சினை ஏற்படுத்தும் முயற்சியில் ஈடுபட்டுள்ளனர். அரசாங்கத்தை விட்ட எவரையும் விலக்க திட்டமில்லை. எனினும், அரசாங்கத்தை விட்டு வெளியேற விரும்புவோரை தடுக்கவும் இல்லை என ஜனாதிபதி தெரிவித்துள்ளார்.