ராஜபக்ஸவினருக்கு அச்சப்பட வேண்டுமா..?

தவறு செய்தாலே மக்கள் அச்சமடைய வேண்டும் என பொருளாதார அபிவிருத்தி அமைச்சர் பசில் ராஜபக்ஸ தெரிவித்துள்ளார்.

பி.பி.சிக்கு வழங்கிய விசேட செவ்வியொன்றின்போதே அமைச்சர் இதனைக் கூறியுள்ளார்.

ஊடகவியலாளரின் கேள்வியொன்றிற்கு பதிலளித்த பொருளாதார அபிவிருத்தி அமைச்சர்; "ஆயிரக்கணக்கான மக்கள் உயிரிழந்தனர். அ​தேபோன்று, அவர்கள் பாதிக்கப்பட்டனர். எமது பொருளாதாரம் பாதிக்கப்பட்டது. மக்களுக்கு சுதந்திரமாக வீதியில் இறங்கி பயணிக்க முடியாத நிலைமை ஏற்பட்டது. பாடசாலைகளுக்கும் தொழிலுக்கும் அச்சத்துடனேயே செல்ல வேண்டி ஏற்பட்டது. எனினும், இவை அனைத்தும் இன்று ​மாற்றமடைந்துள்ளன," என்றார்.

இதேவேளை, "உங்களுக்கு மாத்திரமல்ல, உங்களது சகோதரர்களுக்கும் மக்கள் பயப்படுகின்றனர்.  மக்கள்  ஏன் ராஜபக்ஸவினருக்கு அச்சப்பட வேண்டுமா?, என ஊடகவியலாளர் கேள்வியெழுப்பிய போது, "இல்லை, நான் அவ்வாறு நினைக்கவில்லை. மக்கள் தவறு செய்தால் மாத்திரமே அச்சப்பட வேண்டும்," என்றார் அமைச்சர் பசில் ராஜபக்ஸ.