அல்லாஹ்வின் தண்டனை நிச்சயமாக கிடைக்குமா..?

(நைசர் அப்துல் ரஹீம்)

அல்லாஹ்வின் தண்டனை நிச்சயமாகக் கிடைக்கும் என்று சொல்ல யாருக்கும் அதிகாரம் இல்லை. தயவு செய்து பொய்யான வாக்குறிதிகளை மவ்லவிகள் வழங்க வேண்டாம்.

பாபரி மஸ்ஜித் முற்றாக உடைக்கப் பட்டு 20 வருடங்களாகியும் அத்வானி நன்றாகத்தான் இருக்கின்றான். குஜராத்தில் முஸ்லிம்களைக் கொன்று குவித்த நரேந்திர மோடி இன்னும் முதலமைச்சராக இருக்கின்றான். அவன் பிரதமராக ஆகினாலும் ஆச்சரியம் இல்லை.

1980 ஆம் ஆண்டு ஈரானில் ஷியா புரட்சியின் பின்னர் முஸ்லிம்களின் பல்வேறு மஸ்ஜித்கள் உடைத்துத் தரை மட்டமாக்கப் பட்டன, ஈரானுக்கோ ஆயதுல்லாக்களுக்கோ   இதுவரை எந்தத் தண்டனையும் இல்லை.

ஆகவே மகியங்கனைப் பள்ளிவாசலுக்கு மட்டும் அல்லாஹ் தண்டிப்பான் என்று சொல்வது முஸ்லிம்களை யதார்த்தத்தில் இருந்து திசை திருப்பும் நடவடிக்கை ஆகும்.

அல்லாஹ் தண்டிப்பான் என்று சும்மா இருப்பதால் ஒன்றுமே நடந்து விடப் போவதில்லை. அப்படி இருப்பது குற்றவாளிகளுக்கு நல்ல வாய்ப்பாக மாறிவிடும்

மாறாக முஸ்லிம்கள் முயற்சி செய்து குற்றவாளிகளை சட்டத்தின் முன் நிறுத்தி தண்டிக்க வழி செய்ய வேண்டும்.

காபிர் உழைத்தால் (முயற்சி செய்தால்) காபிருக்கு சோறு, முஸ்லிம் உழைத்தால் (முயற்சி செய்தால்) முஸ்லிமுக்கு சோறு, இதுதான் யதார்த்தம். முஸ்லிம் என்பதற்காகவோ, நோன்பாளி என்பதற்காகவோ அல்லாஹ் உணவை பீங்கானில் கொண்டுவந்து கொட்டப் போவதில்லை.

பள்ளிவாசல் (காபா) தாக்கப்பட்டதட்காக அப்ராஹாவின் யானைப் படைகளை அல்லாஹ் தண்டித்து சுமார் 1500 ஆண்டுகள் ஆகிவிட்டன. அதேபோன்று முஸ்லிம்கள் என்பதற்காக அல்லாஹ்  வானத்திலிருந்து மன்னு சவ்வா என்ற உணவை மூஸா நபியின் சமூகத்திற்கு இறக்கி சுமார் 3000 வருடங்கள் ஆகி விட்டது. நபி (ஸல்) அவர்களும் தோழர்களும் தாலிப் பளளத்தாக்கில் உணவின்றி கஷ்டப் பட்ட பொழுது கூட அல்லா வானத்திலிருந்து உணவை இறக்கி வைக்கவில்லை. மாறாக நபி (ஸல்) அவர்களும், சஹாபாக்களும் இல்லை குலைகளைத்தான் சாப்பிட்டார்கள்.

ஆகவே, அல்லாஹ்வின் மீது மட்டும் பழியைப் போட்டுவிட்டு சும்மயிருபப்தால் ஒன்றும் நடந்துவிடப் போவதில்லை என்பதனை முஸ்லிம்கள் உணர்ந்து கொள்ள வேண்டும்.

முயற்சி செய்கின்றவன் அடைந்து கொள்கின்றான். அதுதான் உண்மை ஆகும்.

ஆகவே மவ்லவிமார் சமுதாயத்தை கற்பனையின் பால் இட்டுச் செல்லாமல், யதார்த்தத்தின் பால் வழிகாட்ட வேண்டும்.