யாழ்ப்பாணம் பல்கலைக்கழகத்தில் புதிய கல்வியாண்டில் 1755 மாணவர்களை அனுமதி

(ஏ.எல்.ஜுனைதீன்)

    யாழ்ப்பாணம் பல்கலைக்கழகத்தில் 2012 / 2013 ஆம் புதிய கல்வியாண்டில் 1755 மாணவர்களை அனுமதிப்பதற்கு பல்கலைக்கழக மானியங்கள் ஆணைக்குழு உத்தேசித்திருக்கிறது.

    இப் பல்கலைக்கழகத்திலுள்ள கற்கை நெறிகளும் ஒவ்வொரு கற்கை நெறிக்கும் அனுமதிப்பதற்கு உத்தேசிக்கப்பட்டுள்ள மாணவர்களின் எண்ணிக்கை பற்றிய விபரமும் வருமாறு:-

கற்கை நெறி	மாணவர்களின் எண்ணிக்கை
மருத்துவம்	125
இயந்திரவியல்	50
விவசாயம்	75
உயிரியல் விஞ்ஞானம்	125
பெளதிக விஞ்ஞானம்	300
முகாமைத்துவம்	300
வணிகவியல்	50
கலை	500
சட்டம்	50
சித்த மருத்துவம்	50
கணனி விஞ்ஞானம்	50
தாதியியல்	30
மருந்தகவியல்	25
மருத்துவ ஆய்வுகூட 1755விஞ்ஞானங்கள்	25
மொத்தம்	1755

    இலங்கையிலுள்ள 14 தேசியப் பல்கலைக்கழகங்கள் 03 வளாகங்கள் மற்றும் 05 நிறுவகங்கள் என்பனவற்றில் 2012 / 2013 ஆம் ஆண்டு புதிய கல்வியாண்டில் மொத்தமாக 23,125 மாணவர்களை அனுமதிப்பதற்கும் உத்தேசிக்கப்பட்டிருக்கிறது.

    ஸ்ரீ ஜயவர்த்தனபுர பல்கலைக்கழகத்தில் ஆகக்கூடுதலான எண்ணிக்கையாக 2660 மாணவர்களும் ஊவா வெல்லஸ்ஸ பல்கலைக்கழகத்தில் ஆகக்குறைந்த எண்ணிக்கையாக 605 மாணவர்களும் அனுமதிக்கப்படவிருக்கிறார்கள்.

    இதேவேளை, கடந்த 2011 / 2012 கல்வியாண்டில் ஆகக்கூடுதலாக 28,908 மாணவர்கள் பல்கலைக்கழகங்களின் பட்டப்பயில் நெறிகளுக்கு அனுமதிக்கப்பட்டதாக பல்கலைக்கழக மானியங்கள் ஆணைக்குழு  தான் வெளியிட்டுள்ள புள்ளி விபர அறிக்கை ஒன்றில் தெரிவித்துள்ளது.

    கடந்த கல்வியாண்டில் மொத்தமாக 22,110 மாணவர்களையே பல்கலைக்கழகங்களுக்கு அனுமதிப்பது என  ஆணைக்குழு உத்தேசித்திருப்பதாக அறிவித்திருந்தது. ஆனாலும் அதன் உத்தேசத் தொகையை விட 6798 மாணவர்கள் கூடுதலாக அனுமதித்திருப்பதாகத் தெரிவித்திருக்கிறது.