முஸ்லிம்கள், பௌத்தர்கள் பிரச்சினைகள் - சர்வதேச மட்டத்தில் பேச்சுவார்த்தை

அண்மையில் முஸ்லிம்களுக்கு எதிராக புத்தர்கள் நடத்திவரும் வன்முறைச் சம்பவங்களை தொடர்ந்து இரு சமூகங்களுக்கிடையேயான பிரச்சனைகளுக்கு தீர்வு காண பாங்காக்கில் நடந்த கூட்டத்தில் கலந்துகொண்ட முஸ்லிம்-புத்த தலைவர்கள் அழைப்பு விடுத்துள்ளனர். இந்தியா, மலேசியா, இலங்கை, இந்தோனேஷியா, மியான்மர், தாய்லாந்து ஆகிய நாடுகளைச் சார்ந்த மத தலைவர்கள் இக்கூட்டத்தில் கலந்துகொண்டனர். இண்டர்நேசனல் நெட்வர்க் ஆஃப் என்கேஜ்ட் புத்திஸ்ட்(ஐ.என்.இ.பி), இண்டர்நேசனல் மூவ்மெண்ட் ஃபார் எ ஜஸ்ட் வேர்ல்ட்(ஜஸ்ட்), ரிலிஜீயன்ஸ் ஃபார் பீஸ்(ஆர்.எஃப்.பி) ஆகிய அமைப்புகள் இக்கூட்டத்தில் கலந்துகொண்டன. தீவிரவாதமும், துவேச பிரச்சாரமும், பிறமதங்களுக்கு எதிரான அவதூறுகளும், பாரபட்சமும் அதிகரித்து வருவதாக கூட்டத்தில் பேசப்பட்டது. முஸ்லிம்-புத்த சமூகங்கள் ஒற்றுமையுடன் செயல்பட்டால் பிரச்சனைகளை தீர்க்க உதவும் என்று கூட்டம் கருத்து தெரிவித்தது. இவ்விவகாரத்தில் ஆசியான், சார்க், ஐ.நா, ஒ.ஐ.சி உள்ளிட்ட அமைப்புகளுடன் இணைந்து செயல்படப்போவதாக தலைவர்கள் தெரிவித்தனர். thoo