உலமா சபை + பொதுபல சேனா சந்திப்பு எதிர்காலத்திலும் தொடரும்

அகில இலங்கை ஜம்இய்யதுல் உலமா சபை மற்றும் பொது பல சேன ஆகியவற்றுக்கு இடையிலான சந்திப்பொன்று நேற்று திங்கட்கிழமை இடம்பெற்றுள்ளது.

இந்த சந்திப்பு பாதுகாப்பு அமைச்சில் இடம்பெற்றுள்ளது. இதில் அகில இலங்கை ஜம்இய்யதுல் உலமா சபை மற்றும் பொது பல சேன ஆகியவற்றின் முக்கியஸ்தர்கள் கலந்துகொண்டுள்ளனர்.

இந்த சந்திப்பில் இருதரப்பிலும் 8 பேர் பங்குகொண்டுள்ளனர். இச்சந்திப்பு ஒரு சாதாரண சந்திப்பாகவே இருந்ததாகவும், எதிர்காலத்தில் இதுதொடர்பிலான சந்திப்புகளில் தொடர்ந்து ஈடுபடுவதெனவும் இருந்தரப்பிலும் இணக்கம் காணப்பட்டுள்ளதாக ஜப்னா முஸ்லிம் இணையத்திற்கு அறியவருகிறது.

எதிர்கால சந்திப்புக்களில் எட்டப்படும் தீர்மானங்களை ஊடகங்களுக்கு பகிரங்கப்படுத்துவதெனவும் இதன்போது முடிவு செய்யப்பட்டுள்ளது.