பொறியியல் உதவியாளர்கள் வேலை நிறுத்தம் - அம்பாறை மக்கள் அசெகரியம்

(ஏ.எல்.நிப்றாஸ்)

பொறியியல் உதவியாளர்கள் அடையாள வேலை நிறுதத்தில் குதித்துள்ள நிலையில் அம்பாறை மாவட்டத்தின் கரையோரப் பிரதேசங்கள் சிலவற்றில் கடந்த இரு தினங்களாக நீர்வழங்கல் தடைப்பட்டுள்ளதுடன் மேலும் சில பகுதிகளில் நீர்விநியோகம் சீரற்ற வித்தில் மேற்கொள்ளப்படுகின்றது. இதனால் மக்கள் பெரும் அசெகரியங்களுக்கு முகம் கொடுத்துள்ளனர். 

குறிப்பாக நிந்தவூர் மற்றும் அதனையண்டிய கிராமங்களுக்கான நீர்வழங்கல் சனிக்கிழமை முதல் தடைப்பட்டுள்ளது. இப்பகுதிக்கு நீர்வழங்கும் பிரதான தாங்கியின் வால்வு ஒன்று உடைந்த தையடுத்தே இந்நிலைமை ஏற்பட்டுள்ளது. இதனால் பிரதேச மக்கள் தமது அத்தியாவசிய தேவைகளைக் கூட நிறைவேற்ற முடியாதவாறு பாரிய சிரமங்களை எதிர்நோக்கியுள்ளனர். 

நாட்டின் பல பாகங்களிலும் பணியாற்றும் பொறியியல் உதவியாளர்கள் தற்போது அடையாள வேலை நிறுத்தத்தில் ஈடுபட்டுள்ளனர். இதனால் நீர் விநியோக வலையமைப்பில் விடுமுறை தினங்கள் மற்றும் இரவு நேரங்களில் திருத்தப்பணிகளை மேற்கொள்ள முடியாதுள்ளதாக தெரிவிக்கப்படுகின்றது. எவ்வாறிருப்பினும் நிந்தவூர் போன்ற பிரதேசங்களுக்கான நீர் வழங்கல் இன்று மாலை வழமைக்குத் திரும்பும் என தெரிவிக்கப்படுகின்றது. 

இதேவேளை காரைதீவு, கல்முனை, சாய்ந்தமருது, மாளிகைக்காடு, மருதமுனை போன்ற பகுதிகளில் வழக்கமாகவே குறைவான அழுத்தத்துடனேயே நீரைப் பெற்றுக் கொள்ள முடிவதாக வீட்டுரிமையாளர்கள் விசனம் தெரிவிக்கின்றனர்.