முஸ்லிம்களையும், உலமா சபையையும் பிரித்தாள சதியா..?

இலங்கை முஸ்லிம்களின் வரலாற்றில் கரைபடிந்த ஒரு நாளாக இன்றைய நாளைக் (11) கருதலாம். இலங்கை வாழ் முஸ்லிம்களின் கல்வி, கலாசாரம், பொருளாதாரம் என்பவற்றை காழ்ப்புணர்ச்சிகளின் காரணமாக அழித்துவிட்டு, அவர்களின் வரலாறுகளை இல்லாமல் செய்து அடிமைகளாக, எடுப்பார் கைப்பிள்ளைகாளக நடத்துவதற்கான நீண்ட காலத்திட்டத்தின் முதற்படிக்கு வழிவிட்டதாகவே இன்று (11.03.2013) உலமா சபையினால் மேற்கொள்ளப்பட்ட அவசர முடிவைக் கருத வேண்டியுள்ளது.

ஹலால் தொடர்பாக இறுதி முடிவெடுப்பதற்கு அமைச்சவை உப குழு நியமிக்கப்பட்டு அக்குழுவின் அறிக்கை சமர்ப்பிப்பதற்கு முன்னர் இந்த முடிவு எடுக்கப்பட்டமை இலங்கை வாழ் முஸ்லிம்கள் மத்தியில் பெரும் வேதனையை ஏற்படுத்தியுள்ளது. ஹலால் கைவிடப்பட்டது தொடர்பில் பேரினவாத சக்திகளுக்கு கூஜாதூக்கும் இணையத்தளங்களும், சமூக வலைப்பின்னல்கள் ஊடாக பரிமாறப்படும் கருத்துக்களும் முஸ்லிம்களின் மனதை பெரும் கவலைக்குள்;ளாக்கியுள்ளது. 

முஸ்லிம்களின் ஒவ்வொரு விடயத்திலும் தலையீடு செய்து அவற்றை அழிப்பதையே பேரினவாதம் அதன் சவாலாக, இலக்காக முன் வைத்து செயற்பட்டுக்கொண்டிருக்கிறது. 

இந்த நாட்டிலுள்ள ஏறக்குறைய 10 ஆயிரம் பாடசாலைகளுகளில் ஏறக்குறைய 720 முஸ்லிம் பாடசாலைகளாகும் பாடசாலைகளின் கலைத்திட்டத்திற்காக அச்சிட்டு வெளியிடப்படும் பாடநூல்கள் வெறுமனே ஆதாரங்கள், ஆராய்ச்சிகள், ஆய்வுகள் செய்யபடாது எழுதப்படுவதில்லை. அதுவும் பல பாடநூல்கள் சிங்கள மொழியில் எழுதப்பட்டு அவை தமிழ் மொழிக்கு மாற்றம் செய்யப்படுகிறது. 

இவ்வாறான ஒரு நிலையில் 11ஆம் ஆண்டு இஸ்லாம் பாடப் புத்தகத்தில் உள்ள முஸ்லிம்களின் வரலாறு தொடர்பான பாட அலகில் முஸ்லிம்களின் உண்மையான வரலாறு எழுதப்பட்டுள்ள போதிலும் பொது பல சேனாவின் அழுத்ததத்தின் காரணமாக அந்த வரலாற்றை மாற்றி எழு உத்தரவிடப்பட்டுள்ளது. இது பற்றி முஸ்லிம் சமூகத்தில் எத்தனை பேருக்குத் தெரியுமோ தெரியாது. இது பற்றி எந்த அரசியல் வாதியும் பேசவில்லை. மாறா வாய் முடி மௌனிகளாக உள்ள அரசியல்வாதிகளுக்கு தேச பிதாக்களாக பேரினவாதிகள் மத்தியில் பட்டங்கள் வழங்கப்படுகின்றன. 

நேற்று மாலேப்பையில் நடைபெற்ற முஸ்லிம் விரோதக் கூட்டத்தில் உரையாற்றிய பெது பல சேனாவின் செயலாளர் அமைச்சர்களான ரவூப் ஹக்கீமையும் அதலாவுல்லாவையும் புகழந்து பேசியுள்ளதாக இன்றைய தமிழ் தினசரி பத்திரிகையின் செய்தி ஒன்றில் குறிப்பிடப்பட்டுள்ளது. 

முஸ்லிம் சமூகத்தில் தாங்கள்தான் தலைவர்கள். நாங்கள்தான் அறிவாளிகள், நாங்கள்தான் எல்லாம் தெரிந்தவாகள், நாங்கள் சொல்லும் கருத்துக்களைத்தான் எல்லோரும் கேட்ட வேண்டும் என்று ஒரு கூட்டமும். பதவிக்கும், பணத்தும் சொகுசு வாழ்க்கைக்கும் அடிமைப்பட்டு அரசியல் வியாபாரம் செய்து கொண்டு முஸ்லிம்களை நட்டாட்டில் கைவிட்டுவிட்டு தலையாட்டும் மொம்மைகளாக செயற்படும் ஒரு கூட்டமுமாக உள்ள இந்த இரண்டு கூட்டங்களின் நடவடிக்கைகள் பர்மா முஸ்லிம்களின் நிலைமையை இலங்கை வாழ் முஸ்லிம்களுக்கும் ஏற்படுத்துமா என்ற அச்சம் இன்று முஸ்லிம்கள் மத்தியில் ஏற்பட்டுள்ளதை ஏற்றுக்கொள்ளாமல் இருக்க முடியாது. இந்த இரு தரப்பினரையும் விட்டுவிட்டு இந்த நாட்டில் வாழுகி;ன்ற முஸ்லிம்கள் நிம்மதியாக தங்களது மார்க்கக் கடமைகளைப் பின்பற்றி வாழ வேண்டும். அதற்கு எத்தகைய வழிமுறைகளகை; கையாள வேண்டும் என்று ஒவ்வொரு முஸ்லிமும் சிந்திக்கக் வேண்டும.;. இந்த நாட்டைப் பிரிக்கவோ அல்லது இந்நாட்டை சர்வதேசத்திடம் பிடித்துக்கொடுக்கவோ இலங்கையில் வாழுகின்ற முஸ்லிம்கள் முற்படவில்லை. இனியும் முற்படப் போவதுமில்லை. மாறாக இந்நாட்டையும் இந்நாட்டை ஆட்சி செய்ய அரசாங்கங்களையும் காப்பாற்றும் பணியில்தான் அன்று முதல் இன்று வரை இலங்கை வாழ் முஸ்லிம்கள் செய்து கொண்டிருக்கிறார்கள். செய்தார்கள். வரலாற்றைப் படித்தவர்களுக்கு இது புரிந்திருக்கும். 

தங்களது பெயர் ஊடகங்களில் வர வேண்டும். தங்களை பெரும் எழுத்தளர்கள் என்று பாராட்ட வேண்டும். தாங்கள்தான் மொழிப் பாண்டித்தியம் பெற்றவர்கள் என்று எல்லோரும் புகழ வேண்டும் என நினைப்போர். தங்களது ஆற்றல்களினூடாக பிற மதத்தவர்களுக்கு இந்நாட்டில் வாழும் முஸ்லிம்கள் கடைபிடிக்கும் மார்க்கக் கடமைகள் பற்றிய சரியான தெளிவை வழங்கத் தவறிவிட்டனர். 

அதுமாத்திமின்றி, கோடிக்கணக்கான ரூபாய்க்களைச் செலவு செய்து வெறும் புகழுக்காக திருமணங்களை 5 நட்சத்திர ஹோட்டல்களில் நடத்தும் பணம் படைத்தவர்கள் இந்நாட்டில் எழுந்துள்ள பிரச்சினை தொடர்பாக உரியவர்களை உரிய முறையில் தெளிவுபடுத்த அவர்களின் பணத்தைப் பயன்படுத்தத் தவறிவிட்டனர். இவற்றின் காரணங்களினால்  ஏற்பட்டுள்ளதுதான் இன்றைய நிலைமை. 

இந்நிலைமைகளிலிருந்து நம்மையும் எதிர்கால சந்ததியினரையும் பாதுகாக்க வேண்டுமாயின் ஒவ்வொரு முஸ்லிமும் அறிவுபூர்வமாக சிந்திப்பது தங்களது கடமை என்பதை உணர வேண்டும்.

தற்போது ஏற்படுத்தப்பட்டுள்ள முஸ்லிம்களை நோக்கிய நெருக்கடிகள் இன்றோ அல்லது நாளையோ முடிந்துவிடப்போவதில்லை. இதுவொரு நீண்டகாலத்திட்டத்தின்படி, தீர்மாணிக்கப்பட்ட அட்டவைணயின்படி நடந்தேரும் விடயங்களாகும். 

இலங்கை வாழ் முஸ்லிம்களையும் முஸ்லிம்களின் மார்க்கக் கடமைகளையும் கலாசார விழும்பியங்களையும்  ஒழுங்குபடுத்தி செயற்படும் உலமா சபையையும் பிரித்தாளுவதுடன் அவற்றுக்கிடையே முரண்பாடுகளைத் தோற்றுவித்து அதனூடாக ஒரு கட்டுக்கோப்பற்ற சமூகமாக இலங்கை வாழ் முஸ்லிம்களை சின்னாபின்னமாக்குவதற்கு எடுக்கப்படும் முயற்சிகளுக்கு இலங்கை வாழ் முஸ்லிம்கள் துணைபோகாமலும் இவ்விடயங்கள் தொடர்பில் அலட்சியப் போக்குடன் செயற்படாமலும், உண்மைகளை உரியவர்களுக்கு உரிய முறையில் தெளிவுபடுத்தி நாம் மற்றவர்களைப் பாதிக்காமலும் மற்றவர்கள் நம்மைப் பாதிக்காமலும் இருக்க என்ன செய்யலாம் என்பதை நன்கு அறிவுபூர்வமாகச் சிந்தித்துத் செயற்படுவதே இன்றைய தேவையாக இருப்பதுடன் நம்மைக் காட்டிக்கொடுப்பவர்களையும் சமூகத்தை விட்டுப் பிழைப்பு நடத்துபவர்களையும் நம்பி ஒதுங்கியிருக்காமல்  நடவடிக்கைகளை மேற்கொள்வது ஒவ்வொரு முஸ்லிமினதும் பொறுப்பாகும்.