இலங்கையுடன் இணைந்து செயற்பட விருப்பம் - இஸ்ரேலிய பிரதமர் அறிவிப்பு

(Sfm) இஸ்ரேல் மக்களின் நலன் கருதி இலங்கையுடன் இணைந்து செயல்பட தாம் எதிர்பார்ப்பதாக இஸ்ரேலிய பிரதமர் பெஞ்சமின் நெத்தன்யாகு தெரிவித்துள்ளார்.

வெளிவிவகார அமைச்சர் ஜீ.எல்.பீரிஸ், இஸ்ரேலிய பிரதமரை சந்தித்த போதே அவர் இதனை குறிப்பிட்டுள்ளார்.

இலங்கையில் காணப்பட்ட வலுவான மற்றும் வளமான ஆதனங்கள் மூன்று தசாப்பத காலமாக நிலவிய யுத்தம் காரணமாக அபிவிருத்திக்கு பாதிப்பு ஏற்படுத்தியமை குறித்து அமைச்சர் தெளிவு படுத்தியுள்ளார்.

இது தவிர, நல்லிணக்கம் தொடர்பாக இலங்கை முன்னெடுத்து வரும் செயற்பாடுகள் தொடர்பாகவும், இஸ்ரேலிய பிரதமருக்கு விளக்கம் அளிக்கப்பட்டதாக வெளிவிவகார அமைச்சு தெரிவித்துள்ளது.

.................................................................................................................................

ஈரானுடன் சிறிலங்கா உறவுகளை வைத்துக் கொள்வதற்கு இஸ்ரேலியப் பிரதமர் பென்ஜமின் நெதன்யாகு கடும் கவலை வெளியிட்டுள்ளார்.  இஸ்ரேலுடன் உறவுகளைப் பலப்படுத்திக் கொள்வதற்காக ஜெரூசலேம் சென்றிருந்த சிறிலங்கா வெளிவிவகார அமைச்சர் ஜி.எல்.பீரிசிடமே, இஸ்ரேலியப் பிரதமர் பென்ஜமின் நெதன்யாகு, தமது ஆழ்ந்த கவலையை வெளிப்படுத்தியுள்ளார்.

ஈரானிடம் இருந்து, தமது நாடு கடுமையான பாதுகாப்பு மற்றும் அமைதிக்கான சவால்களை எதிர்கொண்டுள்ளதாகவும் நெதன்யாகு குறிப்பிட்டுள்ளார்.  இருதரப்பு உறவுகளை பலப்படுத்திக் கொள்வதற்காக ஜெரூசலேம் சென்ற பீரிசுக்கு, ஈரானுடனான நட்புறவைச் சுட்டிக்காட்டி நெதன்யாகு கண்டித்தது பெரும் ஏமாற்றத்தை அளித்துள்ளது.

ஜெரூசலேம் செல்வதற்கு முன்னதாக, சிறிலங்கா வெளிவிவகார அமைச்சர் பீரிஸ், ரமலாவுக்குச் சென்று பாலஸ்தீன அதிபர் அப்பாசை சந்தித்து குறிப்பிடத்தக்கது.