பாதாள குழுக்களை ஒழிக்க வேலைதிட்டம் - மக்களின் ஆதரவை கேட்கிறார் கோத்தா

பாதாள உலக குழுக்களை முற்றாக ஒழிப்பதற்காக பாதுகாப்பு அமைச்சு விசேட வேலைத்திட்டம் ஒன்றை ஆரம்பித்துள்ளதாக பாதுகாப்புச் செயலாளர் கோத்தபாய ராஜபக்ஷ தெரிவித்துள்ளார். இந்த வேலைத்திட்டத்தை வெற்றிகரமாக முன்னெடுக்க பொதுமக்கள் உச்சளவிலாள ஒத்துழைப்புகளை வழங்குவார்கள் என அவர் கூறியுள்ளார்.

பாதாள உலக குழுவினர்கள் தொடர்பாக மக்கள் தொடர்ந்தும் தகவல்களை வழங்கினால், நாட்டுக்கு கேடாக இருக்கும் பாதாள உலக குழுக்களை அடக்குவது சிரமமான காரியமாக இருக்காது. பாதாள உலக குழு உறுப்பினர்களுடன் தொடர்புகளை வைத்து கொண்டு, அவர்களுக்கு பாதுகாப்பு வழங்கி வரும், அரசியல்வாதிகள் அல்லது வேறு தரப்பினர் தொடர்பான தகவல்கள் கிடைத்தால், அவர்களுக்கு எதிராக நடவடிக்கை எடுக்கப்படும் எனவும்  பாதுகாப்புச் செயலாளர் மேலும் தெரிவித்துள்ளார்