இலங்கை ஹாஜிகளின் கவலை

(தினகரன்)

இலங்கையிலிருந்து இம்முறை ஹஜ் கட மையை நிறைவேற் றுவதற்காகச் சென்றிருப் பவர்களில் ஒரு சிறு தொகையினருக்கு மாத்தி ரமே மினாவில் தங்குவ தற்கு அனுமதி கிடைக்கப் பெற்றிருப்பதாக அங்கிருந்து கிடைக்கும் தகவல்கள் தெரிவிக்கின்றன.

ஹஜ் கடமையை நிறைவேற்றுவதற்காக இம்முறை 2800 இலங்கை முஸ்லிம்களுக்கு சவூதிய அரேபிய அரசாங்கம் அனுமதி வழங்கியுள்ளது. 

இவர்களை 45 முகவர் நிலையங்கள் ஊடாக அனுப்புவதற்கு இலங்கையின் முஸ்லிம் சமய கலாசார திணைக்களம் நடவடிக்கை எடுத்திருப்பதாக உள்ளூர் வட்டாரங்கள் கூறின. என்றாலும் ஐந்து முகவர் நிலையங்கள் ஊடாக சென்றிருப்பவர்களுக்கு மாத்திரமே மினாவில் தங்குவதற்கு அனுமதி கிடைக்கப்பட்டிருப்பதாக அங்கிருந்து கிடைக்கும் தகவல்கள் மேலும் தெரிவிக்கின்றன.

இந்த ஐந்து முகவர் நிலையங்கள் தவிர்ந்த ஏனைய 40 முகவர் நிலையங்கள் ஊடாகவும் ஹஜ் கடமையை நிறைவேற்றச் சென்றிருப்பவர்கள் மினாவுக்கு வெளியே தரித்து இருக்க வேண்டிய நிலை ஏற்பட்டிருப்பதாகவும் தெரிவிக்கப்படுகின்றது.

இவ்வாறான நிலைமைக்கு முகம் கொடுத்திருக்கும் இலங்கை ஹஜ்ஜாஜிகள் பெரிதும் கவலை அடைந்திருப்பதாகவும் தெரிவிக்கப்படுகின்றது. ஹஜ் கடமையை நிறைவேற்றச் செல்பவர்கள் துல்ஹிஜ்ஜா 8 ஆம் நாள் மினாவில் தரித்து இருப்பது கட்டாயக் கடமை என்பது தெரிந்ததே.