நெஞ்சு பொறுக்குதில்லையே...!

ஹஸீர்

குட்டக்குட்ட குனிந்து கொண்டிருப்பதால் , அஸாத் சாலி  எங்களை எல்லாம் மடையர்கள் என்று நினைத்துவிட்டார் போல இருக்கிறது.

அவர் மீது வைத்திருந்த கெளரவம், மரியாதை என்பன காரணமாக கொஞ்ச நாள் பொறுத்தேன் . பிறகு அவரின் " தொங்கக் கயிறு இல்லாத ....." பரிதாப நிலைக்காக அடுத்த கொஞ்ச நாட்களுக்கு தாங்கினேன் . அதன் பிறகு அவருடனான நட்பும் , தொடர்பும் அறுந்து விடக் கூடாதே என்பதற்காக யோசித்தேன் .

ஆனால் நெஞ்சு பொறுக்க முடியாத அளவுக்கு அவர் அத்து மீறி உளறத் தொடங்கிவிட்டதனால் , தாங்கிக்கொள்ள முடியாமல் இதனை எழுதுகிறேன் . என்னைப்  போலவே இன்னும் பலர் இவ்வாறு எழுதுவதற்கு இருக்கிறார்கள் என்பதையும் சொல்லி வைக்கிறேன் . இன்றே முகப் புத்தகத்தில் ஓரிருவர் இவ்வாறு எழுதத் தொடங்கியுள்ளார்கள் என்பதையும் அவர் கவணித்திருக்கலாம்.

மஹிந்தவை ஓஹோ வென்று புகழ்ந்து இரண்டாவது தடவையும் அவர்  ஜனாதிபதியாக முழுமையான பங்களிப்பை செய்து , எகிறி - எகிறி பார்த்துவிட்டு ,  இப்போது " சீச்சீ ....இந்தப்பழம் புளிக்கும் " என்கிற இவரின் மேல் இன்றைக்கும் எனக்கு அனுதாபம் இருக்கிறது . அதற்குக் காரணம் இவர் அவசரப்பட்டு கட்சி மாறியதால் பறிகொடுத்த  கொழும்பு நகர பிதா ஆசனம் என்று சொன்னால் யாருக்கும் மாற்றுக் கருத்து இருக்காது என்று நம்புகிறேன்.

இன்றைக்கும் அவரை நான் இங்கு விமர்சிக்க விரும்பவில்லை. அப்படி அவரைப்போல வரம்பு மீறி எவரையும் விமர்சிக்கிற அளவுக்கு நான் அறிவாளியோ, பெரீய்ய்ய்ய்ய அரசியல் வாதியோ அல்ல. மதிப்புக்குரிய  அஸாத் சாலி அவர்களிடம் மிகப்பணிவுடன் பத்தே பத்து  கேள்விகளை மட்டுமே கேட்க விரும்புகிறேன்.

அவர் இவற்றுக்கு பதில் தருவார் என்று ஆவலுடன் இருக்கிறேன்.

இதோ என் கேள்விகள் :

கேள்வி 1  : "அஸாத் சாலி முஸ்லிம் காங்கிரஸ்" என்று சிரச, சக்தி தொலைகாட்சிகளில் போடுகிறார்களே.. நீங்கள் முஸ்லிம் காங்கிரஸ் உறுப்பினரா ? முஸ்லிம் காங்கிரஸ் உறுப்பினராக நீங்கள் எங்கே, எப்போது பதிவானீர்கள் ? அங்கத்துவ இலக்கம் என்ன ?

கேள்வி 2  : முஸ்லிம் காங்கிரசில் தேர்தலுக்கு நின்றீர்கள் என்பதால் நீங்கள் முஸ்லிம் காங்கிரஸ் காரன் என்றால் ஐக்கிய தேசியக் கட்சியில் கடந்த பொதுத்தேர்தலில் நின்ற ஹக்கீம் , மனோ கணேசன் போன்றவர்கள் எல்லாம் ஐக்கிய தேசியக் கட்சிக்காரர்களாகவும், ரிஷாத் , அதாவுல்லா போன்றோர் சுதந்திரக் கட்சிக்காரர்களாகவும் அல்லவா இருக்கவேண்டும் ?

கேள்வி 3 : முஸ்லிம் காங்கிரஸ் உங்களை கெஞ்சி அழைத்து தேர்தலுக்கு டிக்கெட் தந்தார்களா ? அல்லது " சிவ பூசையில் கரடி " நுழைவது போல ரன்காவுடன் நீங்கள்  தாருஸ்சலாமுக்குள் ஓடிப்போய் ஒட்டிக்கொண்டீர்களா ?

கேள்வி  4 : நியமனப் பத்திரங்கள் தாக்கல் செய்வதற்கு ஒரு நாளைக்கு முன்னர்  " நான் சுயேச்சை அணியாக மட்டக்களப்பில் குதிக்கப்போகிறேன் " என்ற நீங்கள் மறு நாளே, வாலைசுருட்டிக்கொண்ட தன் ரஹசியம் என்ன ? 

கேள்வி 5 :  சுமார் ஆறாயிரம்   விருப்பு வாக்குகள் மட்டுமே பெற்ற நீங்கள் " முட்ட போட்ட கோழி " போல இவ்வளவு கத்துறீங்க , ஆனால் சுமார் நாலு லட்சத்திகும் அதிகமான விருப்பு வாக்குகளின்     ( சுமார் 1>35>000 X 3 விருப்பு வாக்குகள் ) சொந்தக்காரர்கள் ஆமை போல இருக்கிறார்கள் . ஆறாயிரம் விருப்பு வாக்குகள் என்பது வெறுமனே இரண்டே இரண்டாயிரம் வாக்காளர்கள்தான் . ஆலமரத்தின் அடியில் முளைக்கும் புல்லுப்போன்ற இந்த சின்னத் தொகையுடன்  , அந்த மரத்தையே பிடுங்கும் புயல் போல கூத்தாடுவது முட்டாள் தனம் என்று புரிகிற அளவுக்காவது நீங்கள் இன்னும் அரசியல் படிக்கவில்லையா ?

கேள்வி 6 : மு.கா தலைவர் ஹக்கீம் எந்த மேடையில் , எந்த ஊரில் தமிழர் கூட்டணியுடன் ஆட்சி அமைக்க வாக்குக்கேட்டார் , அல்லது எந்த மேடையிலாவது அரசுடன் ஆட்சி அமைக்கவே மாட்டோம் என்று  மு.கா தலைவர் ஹக்கீம் சொன்னாரா?

கேள்வி 7 : " எங்களை கணக்கில்லெடுக்காமல் இருக்கிற அரசுக்கு எங்கள் பலத்தை காட்ட , தீர்மானிக்கும் சக்தியாக முஸ்லிம் காங்கிரஸ் இந்தத் தேர்தல் முடிவுகளின் பின் எழுந்து நிற்க, மக்களே  அணி திரளுங்கள் " என்றும் , தமிழர் கூட்டணி இப்போது சொல்கிற " உங்களுக்காகவும் பேசுவோம் " என்கிற இது அவசியம் இல்லை , " எங்களுக்காக எங்களாலேயே பேச முடியும் என்கிறதை நிரூபிக்கிற தேர்தல் முடிவுகளை இத்  தேர்தல் தரும் " என்பது தவிர வேறு தொணியில் மு.கா தலைவர் ஹகீம் எங்காவது கதைத்திருக்கிறாரா ? ஆதாரம் இருந்தால் காட்டுங்கள் ? ( உங்கள் பங்காளி சிரச விடம் எல்லாக் கூட்டங்களினதும் ஒளிப்பதிவுகள் உள்ளதுதானே ! )

கேள்வி  8 : பள்ளி மற்றும் இனவாத பிரச்சனைகளை , மக்களின் நாடித்துடிப்பை புரிந்து கொண்டதால் மட்டுமல்ல உண்மையான உணர்வுடனும் தான் மு.கா தலைவர் ஹகீம் முழங்கினார் என்பதை உங்களால் மறுக்கமுடியுமா ? தேர்தலுக்கு மிக முன்னதாகவே தம்புள்ளை பள்ளி விசயமாக காரசாரமாக கதைத்த ஒரேஒரு அமைச்சர் மு.கா தலைவர் ஹகீம் மட்டுமே என்பதை உங்களால் இல்லை என்று சொல்ல முடியுமா?

கேள்வி 9 : தமிழர் கூட்டணியுடன் அமைகிற ஆட்சி நிலைக்கும் என்பதற்கு உங்களால் ஆதாரங்களை காட்டமுடியுமா ? அரசனும் இல்லாமல் , புருசனும் இல்லாமல் முஸ்லீம் காங்கிரஸ் நாடு ரோட்டில நிற்கிற நிலை வராது என்பதற்கு நீங்கள் தருகிற உத்தரவாதம் என்ன ?

கடைசிக் கேள்வி 10 :  உங்களை தாருஸ்ஸலாமுக்கு கூட்டிக்கொண்டு வந்து தள்ளிவிட்டுப்போன ரங்கா மச்சான் , உங்கள தன்னன்தனியா பலிக்கிடாவாக விட்டு விட்டு தேர்தல் காலம் முழுவதும் வெளியே தலையே காட்டாம இருந்தது ஏன் ?

" இனி மின்னல்  நிகழ்ச்சி முழுவதுமே முஸ்லிம் காங்கிரஸ்தான் " என்று ஒரு அண்டப் புளுகை அவிழ்த்து முஸ்லீம் காங்கிரஸ் போராளிகளை  , எமாளிகலாக்கிய மகராஜா ஏஜன்ட் ஒரு நிகழ்ச்சி கூட நடத்தாம ; எங்க போய் தொலஞ்சார் என்று கொஞ்சம் சொல்லுங்களேன் !

இஞ்சமும் கேள்விகள் ஈக்கி , ஆனாக்க... ஒன்களுக்கு தமுள் வெலன்குறது கஷ்டமா ஈக்கும் என்கிரத சூட்டி இப்பைக்கி இது போதுமே !