மன்னாரில் நீதிமன்றம் மீது தாக்குதல் - யாழ்ப்பாண சட்டத்தரணிகளுக்கு வலித்தது

மன்னார் நீதிமன்றத்தின் மீது நடத்தப்பட்ட தாக்குதலை கண்டித்து யாழ். நீதிமன்ற சட்டத்தரணிகள் இன்றைய தினம் பணிப்புறக்கணிப்பில் ஈடுபட்டு வருகின்றனர். நேற்றைய தினம் மன்னாரில் மீனவர்களினால் நடத்தப்பட்ட ஆர்ப்பாட்டத்தின் போது, மன்னார் நீதிமன்றத்தின் மீது கல்வீச்சு தாக்குதல் இடம்பெற்றது.

இதனைக் கண்டித்ததோடு இத்தாக்குதல் தொடர்பில் விசாரணை நடத்துமாறு கோரி யாழ். நீதிமன்ற சட்டத்தரணிகள் பணிப்புறக்கணிப்பில் ஈடுபட்டு வருவதாக தெரிவிக்கப்படுகிறது.

மன்னார் நீதவானால் 16 மீனவர்களை கைது செய்யுமாறு விடுக்கப்பட்ட உத்தரவுக்கு எதிர்ப்புத் தெரிவித்து நேற்றைய தினம் மன்னார் பிரதேச மீனவர்கள் சிலர் நீதிமன்றத்திற்கு முன்னால் ஆர்ப்பாட்டம் ஒன்றை நடத்தியிருந்தமை குறிப்பிடத்தக்கது.