தம்புள்ள புனி பூமியிலிருந்து வெளியேறுங்கள் - முஸ்லிம்களுக்கு அச்சுறுத்தல் கடிதம்

தம்புள்ளை புனித பூமியிலிருந்து உடனடியாக வெளியேறுமாறு அச்சுறுத்தி தம்புள்ளை நகர முஸ்லிம்களுக்கு தபால் மூலம் கடிதங்கள் அனுப்பி வைக்கப்பட்டுள்ளதாகத் தெரிவிக்கப்படுகிறது.

மூன்று பக்கங்களைக் கொண்ட இக்கடிதத்தில், அனுப்புபவர் பெயர் குறிப்பிடப்படப்படவில்லை. 'சிங்கள, பௌத்த நாட்டுப்பற்றாளர்கள்' என்று குறிப்பிடப்பட்டுள்ளது.

முஸ்லிம்களை ஆவேசமூட்டும் வகையிலும் அவர்களது சகவாழ்வை விமர்சித்தும் இக்கடிதம் அனுப்பப்பட்டுள்ளது. அத்துடன், தம்புள்ளை பிரதேச அரசியல்வாதியான காணி மற்றும் காணி அபிவிருத்தி அமைச்சர் ஜனக பண்டாரவின் பெயரும் சேர்க்கப்பட்டு அவர் முஸ்லிம்களுக்கு பௌத்த தனித்துவத்தை காட்டிக் கொடுத்துள்ளதாகவும் இந்த கடிதத்தில் தெரிவிக்கப்பட்டுள்ளது.   வீரகேசரி