கோதபாயாவின் தன் நம்பிக்கையே யுத்த வெற்றியின் இரகசியம்

யுத்தத்தின் போது பாதுகாப்புச் செயலாளர் கோதபாயவின் சேவை அளப்பரியது என சர்வதேச நிதியியல் ஒத்துழைப்பு அமைச்சர் சரத் அமுனுகம தெரிவித்துள்ளார். யுத்தத்தின் தன்மையை மாற்றியமைத்த பெருமை கோதபாவைச் சாரும் என அவர் புகழாரம் சூட்டியுள்ளார்.

கோதபாயவின் அசைக்க முடியாத தன் நம்பிக்கையே யுத்த வெற்றியின் இரகசியம் என அவர் தெரிவித்துள்ளார். தந்திரோபயங்களுடன் கூடிய கோதபாயவின் யுத்த முன்நகர்வுகளுக்கு ஜனாதிபதி மஹிந்த ராஜபக்ஷ சகல வழிகளிலும் ஒத்துழைப்பு வழங்கியதாகக் குறப்பிட்டுள்ளார்.

கோதபாய ராஜபக்ஷ படைவீரர்களின் படைவீரர் என அவர் சுட்டிக்காட்டியுள்ளார். கோதவின் யுத்தம் என்ற தலைப்பில் வெளியான நூல் பிரசூர வைபவத்தில் கலந்து கொண்டு உரையாற்றிய போது அவர் இதனைக் குறிப்பிட்டுள்ளார்.

கடைநிலை படைவீரர் முதல் உயர் படையதிகாரிகள் வரையில் அனைவரினதும் மனங்களில் யுத்த வெற்றி குறித்த நம்பிக்கையை கோதபாய ராஜபக்ஷ ஏற்படுத்திக்கொடுத்தார் என அவர் தெரிவித்துள்ளார்.