இலங்கையர்களின் உண்மையான சுதந்திர தினம் மே 19 ஆம் திகதிதான் - பிரதமர் ஜயரத்ன

ஜனாதிபதி மஹிந்த ராஜபக்ஷ அவர்களின் வீரம்மிக்க தலைமைத்துவம் மற்றும் வழிகாட்டலின் கீழ் முப்படை வீரர்களதும் பொலிஸாரினதும் உயிர்த் தியாகங்கள் மூலமும் பெறப்பட்ட உன்னத சுதந்திரத்தை உயிரிலும் மேலாக மதித்துப் பாதுகாப்பது உயிர் நீத்த போர் வீரர்களுக்கு அளிக்கும் உன்னத கெளரவம் என பிரதமர் தி. மு. ஜயரத்ன தெரிவித்துள்ளார். யுத்த வெற்றியின் மூன்றாம் ஆண்டு நிறைவை ஒட்டி விடுத்துள்ள செய்தியிலேயே பிரதமர் இதனை தெரிவித்துள்ளார்.

அச்செய்தியில் பிரதமர் மேலும் தெரிவித்துள்ளதாவது,

இலங்கையர்களின் உண்மையான சுதந்திர தினமான மே. 19 ஆம் திகதி கொண்டாடப்படும் இராணுவத்தினரை நினைவுகூரும் தினத்தினை முன்னிட்டு கெளரவபூர்வமான அபிமானத்துடன் வாழ்த்துச் செய்தியினை வெளியிடுவதில் பெருமகிழ்ச்சியடைகின்றேன். இற்றைக்கு மூன்று வருடங்களுக்கு முன்னர் உதயமான அந்த உன்னத தினத் தினை இலங்கையர்கள் மீட்டெழுந்த தினமென குறிப்பிடுவதில் எந்தவித விவாதத்திற்கும் இடமில்லையென நம்புகின்றேன்.

‘ஆயுதம் ஏந்தியவர்கள் ஆயுதத்தினாலேயே மடிவார்கள்’ என்ற புத்த பெரு மானின் வாக்கினை மெய்ப்படுத்தும் வகை யில் எமது தாய்நாட்டினை இரண்டாகத் துண்டாடக் கனவுகண்ட பிரபாகரன் உட்பட்ட பயங்கரவாதிகளின் முடிவானது கெட்ட எண்ணங்களைக் கொண்டவர்களும் பாவ காரியங்களைப் புரிபவர்களும் எமது தாய்நாட்டில் வாழ்வதற்கு அருகதை யற்றவர்கள் என்ற உண்மையினை உணர்த்தியுள்ளது.

இன்று நாம் சுதந்திர இலங்கையர்கள் மட்டுமன்றி, எவருக்கும் அடிபணியாத இந்தச் சுதந்திர தேசத்தின் மக்களாகவும் இருக்கின்றோம். சிங்களவர், தமிழர், முஸ்லிம், பறங்கியர் போன்ற நாம் அனைவரும் ஒரே இலங்கைத் தாயின் மக்களாக வாழ்கின்றோம். இலங்கை மாதாவின் மக்களாகிய எம்மால் நம் நாட்டிற்கெதிரான எந்தவொரு சக்தியையும் தோற்கடிக்க முடியுமெனவும் இந்த நாட்டின் அபிவிருத்திக்கான போரையும் உயர்ந்த மட்டத்தில் வெற்றி கொள்ள முடியுமெனவும் நான் உறுதியாக நம்புகின்றேன் என்று பிரதமர் மேலும் தெரிவித்துள்ளார்.