கொழும்பில் இரண்டாவது தடவையாக நிலநடுக்கம் - (முக்கிய செய்திகள் இணைப்பு)

 

கொழும்பு தெகிவளைப் பகுதியில் பிற்பகல் 4 மணியளவில் மீண்டும் நில அதிர்வு ஏற்பட்டதாகத் தெரிவிக்கப்பட்டுள்ளது. சில வினாடிகள் வரை நீடித்த இந்த அதிர்வினால் எதுவித சேதங்களும் ஏற்படவில்லை எனத் தெரிவிக்கப்பட்டுள்ளது.
////////////////////////////////////////////////////////////////////////////////////////////////////////

இந்தோனேசியாவின் ஆச்சே பிராந்தியத்தில் மீண்டும் நிலநடுக்கம் ஏற்பட்டுள்ளது. இது ரிச்டர் அளவுகளில் 6.5 ஆக பதிவாகியுள்ளது.

////////////////////////////////////////////////////////////////////////////////////////////////////////

இலங்கையின் கரையோரப் பகுதிகளுக்கான மின் விநியோகம் மற்றும் ரயில் சேவை தற்காலிகமாக நிறுத்தப்பட்டுள்ளதாக மின்சாரசபை மற்றும் ரயில்வே கட்டுப்பாட்டுத் திணைக்களம் என்பன அறிவித்துள்ளன.  இதேவேளை நாட்டின் பல பகுதிகளிலும் போக்குவரத்து நெரிசல் காணப்படுவதாகவும் அறியமுடிகின்றது.

////////////////////////////////////////////////////////////////////////////////////////////////////////

நாட்டில் சிறியளவில் உணரப்பட்ட நிலநடுக்கம் காரணமாக சகல அத்தியாவசிய சேவைகளும் கட்டாய சேவைகளாகப் பிரகடனப்படுத்தப்பட்டுள்ளது. குறிப்பாக வைத்தியசேவை, முப்படை இராணுவ ,பொலிஸ் ஆகிய சேவைசார் ஊழியர்களது விடுமுறைகள், இரத்துச்செய்யப்பட்டுள்ளன.

//////////////////////////////////////////////////////////////////////////////////////////////////

இந்தோனேசிய சுமத்ரா தீவில் ஏற்பட்ட பாரிய நிலநடுக்கத்தினால் ஆசியப் பிராந்தியத்தில் 28 நாடுகளில் சுனாமி எச்சரிக்கை விடுக்கப்பட்டுள்ளது.

எனினும், நிலநடுக்கம் ஏற்பட்டு ஒரு மணி நேரம் கடந்துள்ள போதிலும் சுனாமி பேரலை ஏற்படுவதற்கான எந்தவொரு அறிகுறியும் இதுவரை தென்படவில்லை ஆசிய பசுபிக் சுனாமி அனர்த்த மைத்திய நிலையம் தெரிவித்துள்ளது.

எனினும், இதற்கு முன்னர் பாரிய சுனாமி அலைகள் ஏற்படுவதற்கு முன்னர் ஏற்பட்ட நிலநடுக்கம் மேலிருந்து கீழ் பதிவாகியிருந்ததாகவும் எனினும், இந்த நிலநடுக்கம் சமாந்திரமாக ஏற்பட்டுள்ளதால் பாரியளவிலான அலைகள் ஏற்படுவதற்கு வாய்ப்புக்கள் குறைவு எனவும் அமெரிக்க பூகோலவியல் ஆய்வு மைத்திய நிலையத்தின் நிபுணர் ஒருவர் பி.பி.சி. செய்திச் சேவைக்குத் தெரிவித்துள்ளார்.

எனினும், சுனாமி எச்சரிக்கை விடுக்கப்பட்டுள்ள 28 நாடுகளில் உள்ள கரையோரப் பிரதேச மக்களை பாதுகாப்பான இடங்களுக்கு நகருமாறு அந்தந்த நாடுகள் அறிவுறுத்தி வருகின்றன.

எனினும், இந்த நிலையில் 17 சென்றிமீற்றர் உயரத்திலான அலைகள் இந்தோனேசியாவின் ஆச்சே பிராந்தியத்தைத் தாக்கக் கூடும் பசுபிக் சுனாமி அனர்த்த மைத்திய நிலையம் எச்சரித்துள்ளதாக ரொய்ட்டர் செய்திச் சேவை தெரிவிக்கிறது.