அட்டுளுகம நெருக்கடி மகிந்தவும், பசிலும் நேரடித் தலையீடு - களத்தில் குதித்தார் பௌஸி

அட்டுளுகம விவகாரத்தில் எழுந்துள்ள மனிதாபிமன நெருக்கடி குறித்து, மூத்த அரசியல்வாதி பௌஸி பிரதமர் மகிந்த ராஜபக்ஸவின் நேரடி கவனத்திற்கு கொண்டு சென்றுள்ளார்.

இதையடுத்து இந்த விவகாரத்தை கையாளுமாறு பிரதமர் மகிந்த ராஜபக்ஸ விசேட செயலணியின் தலைவர் பசில் ராஜபக்ஸவுக்கு உத்தரவிட்டுள்ளார்.

தற்போதைய அட்ளுகம விவகாரம் குறித்து பசில் ராஜபக்ஸ, மூத்த அரசியல்வாதி  பௌசியிடம், தொடர்பு கொண்டு கேட்டறிந்துள்ளார்.

அங்குள்ள நிலவரம், மக்கள் வெளியே நடமாட முடியாத சூழ்நிலை, தொடரும் ஊரடங்குச் சட்டத்தினால் அத்தியாவசிய தேவைகளை பூர்த்தி செய்ய முடியாத பரிதாபம் என பலவற்றை பௌஸி இதன்போது சுட்டிக்காட்டியுள்ளார்.

சிறிலங்கா  முஸ்லிம் கவுன்சில் உள்ளிட்ட பல்வேறு அமைப்புக்கள் அட்டுளுகம விவகாரம் குறித்து கவனம் செலுத்தி வருகின்றமை குறிப்பிடத்தக்கது.