றிசானா நபீக்கும், முசாத்திக்காகவும்...!

இன்று பலரும் மூதூர் , சாபி நகரை சேர்ந்த மீராசா முசாதிக்கா எனும் மாணவியை பற்றி அதிகம் எழுதுகிறார்கள்.

அவளது செய்தியை படிக்கையிலே சில விடயங்கள் மனதை அழுத்துகிறது.

முதல் விடயம் , இவளது வீடும் ,மரணித்த ரிசானாவின் பகுதியிலேயே அமைந்திருப்பதாக கிடைக்கும் செய்திகள் , ரிசானாவை மீண்டும் மீண்டும் நினைவூட்டுகிறது.

அதே வறுமைக்குள் சிக்கி தான் , இவள் படித்திருக்கிறாள்.

இரண்டாவது விடயம் , இவளை போன்ற ஏழைகள் எதையாவது சாதித்த பின்பே பணக்காரர்களுக்கும் , அரசியல்வாதிகளுக்கும் கண்ணுக்கு தெரிகிறார்கள்.

இனி தான் , இவளுக்கு உதவவும் பலரும் முண்டியடிப்பார்கள்.

இனியாவது , ஷாபி நகர் போன்ற ஒரு கிராமத்தை நமது சேவகர்களால் ஒன்று சேர்ந்து தத்தெடுக்க முடியுமாயின் அது மரணித்த ரிசானா , மற்றும் இந்த முசாதிக்கா போன்றோரால் உருவான எழுச்சியாய் இருக்கும் - இதுவே நமது எழுத்து மூலமான சவாலும்....

ஏழைகள் சாதித்த பின்னர் முண்டியடிக்காது , பல ஏழைகள் சாதிப்பதற்கு வழி வகுக்கலாம் என்பதே , நமது ஆதங்கம்.

போலியாக வாழ்த்துக்கள் சொல்ல , நான் விரும்பல சகோதரியே...

மேலும் மேலும் உயர பிரார்த்திக்கிறேன்...

(முஹம்மத் இன்பாஸ்)