November 12, 2019

வெளி­நா­டு­களில் இருந்து (ஹக்கர்ஸ்) வருகை, குறைந்­த­ளவு கெட்­ட­வ­ருக்கு வாக்களியுங்கள்

(தி.சோபிதன்)

இலங்­கையின் அடுத்த ஜனா­தி­ப­தியை தெரிவு செய்யும் உங்கள் அதி­கா­ரத்தை வீணாக்க வேண்டாம் என்று வலி­யு­றுத்­தி­யுள்ள தேர்­தல்கள் ஆணைக்­குழு உறுப்­பினர் இரட்­ண­ஜீவன் கூல், வேட்­பா­ளர்கள் அனை­வரும் கெட்­ட­வர்கள் என்று கரு­து­வது உங்கள் ஜன­நா­யக உரிமை. ஆனால் அனை­வரும் சம­மான அளவு கெட்­ட­வர்கள் என்று கூற முடி­யாது. அவர்­களில் யார் குறைந்­த­ள­வான கெட்­டவர் என்று கரு­து­கின்­றீர்­களோ அவர்­க­ளுக்கு வாக்­கி­டுங்கள் என்றும் தெரி­வித்­துள்ளார். 

யாழ்ப்­பாணம் பல்­கலைக் கழக ஊழியர் சங்­கத்தின் ஏற்­பாட்டில் நல்­லூரில் உள்ள யூரோவில் மண்­ட­பத்தில் நடத்­தப்­பட்ட ஜனா­தி­பதி தேர்தல் வழி­காட்டல் கருத்­த­ரங்கில் பங்­கேற்று கருத்துத் தெரி­விக்­கை­யி­லேயே அவர் இவ்­வாறு கூறினார். இங்கு அவர் மேலும் கூறு­கையில்; 

இந்த தேர்­தலில் வாக்­க­ளிக்கக் கூடாது என்று கூறு­கின்­றனர். அது என்னைப் பொறுத்­த­வ­ரையில் மட­மைத்­தனம். வாக்­க­ளிக்க வேண்டாம் என்று கூறு­ப­வர்கள் வேட்­பா­ளர்கள் அனை­வரும் கெட்­ட­வர்கள் அவர்­க­ளுக்கு வாக்­க­ளிக்க வேண்டாம் என்று கூறு­கின்­றனர்.

அனை­வரும் சம­மான அளவு கெட்­ட­வர்கள் என்று எடுத்துக் கொள்ள முடி­யாது. சிலபேர் பெரிய கெட்­ட­வர்கள், சிலர் கொஞ்சம் கெட்­ட­வர்கள். நீங்கள் வாக்­க­ளிக்­காது இருந்தால் பெரிய கெட்­டவர் பத­விக்கு வரச் சந்­தர்ப்பம் உண்டு.

அதைத் தடுப்­பது என்றால் நீங்கள் சென்று யார் குறைந்த கெட்­டவர் என்று நினைக்­கி­றீர்­களோ அவர்­க­ளுக்கு வாக்­கி­டுங்கள். அனை­வரும் கெட்­ட­வர்கள் என்று நினைப்­பது உங்­க­ளது ஜன­நா­யக உரிமை.

உங்கள் வாக்­கு­களை வீணாக்கக் கூடாது. சிந்­தித்துப் பாருங்கள் யாருக்கு வெற்றி பெறச் சந்­தர்ப்பம் இருக்­கின்­றது என்று. வெற்றி பெறச் சந்­தர்ப்பம் உள்­ள­வர்­க­ளுக்கு இடையே உங்கள் தெரிவை நீங்கள் மேற்­கொள்ள வேண்டும் என்றார்.

தேர்­தலில் குழப்­பங்­களை ஏற்­ப­டுத்த வெளி­நா­டு­களில் இருந்து கணினி நிரல் வல்­லு­நர்கள் (ஹக்கர்ஸ்) கொண்­டு­வ­ரப்­பட்­டுள்­ளனர் என்று தக­வல்கள் வெளி­யா­கி­யுள்­ளன. அது சாத்­தி­யமா?என கேட்­கப்­பட்ட கேள்­விக்கு பதி­ல­ளித்த அவர்,

பத்­தி­ரிகை வாயி­லா­கவே நாங்கள்  இதனை அறிந்தோம். அவர்­களால் தேர்­தலைத் திசை திருப்ப முடி­யாது என்றே நான் கரு­து­கின்றேன். அவர்­க­ளுக்கு உள்ள ஒரே ஒரு வழி பொய்ப் பரப்­புரை செய்­வது மட்­டுமே. அதனால் மக்கள் யார் சொல்­கின்­றனர், என்ன சொல்­கின்­றனர் என்­பது தொடர்பில் விழிப்­புடன் இருக்க வேண்டும்.

வெளி­நா­டு­களில் இருந்து “ஹக்கர்ஸ்” வந்­துள்­ளனர் என்று பத்­தி­ரிகை வாயி­லாக அறிந்தேன். சில வேட்­பா­ளர்கள் என்னைப் பொறுத்­த­வ­ரையில் கெட்­ட­வர்கள். அவர்கள் செய்யக் கூடி­ய­வர்­கள்தான். ஆனால் எனக்கு நேர­டி­யாகத் தெரி­யாது.

கேள்வி: அவ்­வாறு தேர்­தல்கள் திணைக்­களக் கணி­னிகள் மீது இணையத் தாக்­குதல் நடத்­தப்­பட்டால் அதை எதிர்­கொள்ளும் நிலையில் தேர்­தல்கள் திணைக்­களம் உள்­ளதா?

தேர்தல் முடி­வுகள் வரும்­போது அவை மூன்று கணினித் தொகு­தி­களில் சேமிக்­கப்­படும். அதை விடவும் கையெ­ழுத்து மூல­மான தர­வு­களும் பேணப்­படும். அதனால் அவர்­களால் அவற்றில் தாக்கம் செலுத்த முடி­யாது என்று நான் கரு­து­கின்றேன்.

ஆனால் பொய்த் தக­வல்கள் மூலம் மக்­களைக் குழப்ப முடியும். சமூக வலைத் தளங்கள் மூலம் அவற்றைக் செய்யக் கூடும். ஆனால் அதன் மூலம் தேர்­தலைக் குழப்ப முடியும் என்று நான் நினைக்­க­வில்லை.  அதன்­மூலம் வாக்­கா­ளர்கள் தவ­றாக வழி­ந­டத்­தப்­ப­டலாம்.தேர்தல் முடிவு எண்­ணிக்­கையில் மாற்­றங்­களை ஏற்­ப­டுத்த முடி­யாது.

கேள்வி: இது­வரை தேர்தல் வன்­மு­றைகள் தொடர்­பாக எவ்­வா­றான முறைப்­பா­டுகள் கிடைத்­துள்­ளன?

எமக்குக் கிடைக்கும் முறைப்­பா­டு­களில் 75 வீதம் முறை­யற்ற நிய­ம­னங்கள் தொடர்­பா­கவே உள்­ளன. அவற்றை நிறுத்தக் கோரிப் பல முறைப்­பா­டுகள் கிடைத்­துள்­ளன. நாம் பல நிய­ம­னங்­களை நிறுத்­தி­யு­முள்ளோம். வன்­முறை முறைப்­பா­டுகள் குறை­வா­கவே உள்­ளன.

ஆனால் மக்­களை ஏமாற்றும் முறைப்­பா­டுகள் அதிகம் கிடைக்­கின்­றன. உதா­ர­ண­மாக ஒரு கட்­சியைச் சேர்ந்­த­வர்கள் தமக்கு ஆத­ர­வில்­லாத கிராமம் ஒன்றுக்குச் சென்று, அங்குள்ள மக்களுக்கு வாக்கிடும் முறையை தவறாகக் கற்றுக் கொடுப்பது. அதன்மூலம் தமது எதிரணி வேட்பாளரின் வாக்குகளைக் குறைக்க முடியும் என்று சிந்திக்கின்றனர்.

அவ்வாறான குழப்பங்களைச் செய்பவர்களை மக்களுக்குத் தெரியும். குழப்பங்களைச் செய்யாதவர்களுக்கு மக்கள் வாக்களிக்க வேண்டும்.என்றார்.

0 கருத்துரைகள்:

Post a Comment