ஒபாமாவை விமர்சித்து நெதன்யாகு

முன்னாள் அமெரிக்க அதிபர் பராக் ஒபாமாவை விமர்சித்து நெதன்யாகு கீழ்வருமாறு குறிப்பிட்டுள்ளான்

"நாங்கள் ஆக்கிரமிப்பாளர்கள் அல்ல; யாருடைய நிலத்தையும் நாங்கள் திருடவில்லை. இது யூதர்களுடைய நிலம், நீண்டகாலமாக எங்களுக்கே உரிய பூர்வீக நிலம். இதுவே எங்கள் தாயகம். இந்தோனேசியாவில் இருந்த டச்சுக்காரர்களோ அல்லது காங்கோவில் இருந்த பெல்ஜியர்களோ நாங்கள் அல்ல. நாங்கள் யூதேயாவில் வாழும் யூதர்கள்; ஆயிரக்கணக்கான ஆண்டுகளாக இந்த நிலத்துடன் பிணைக்கப்பட்டவர்கள்."

அமைதியை அடைவதற்கான வாய்ப்புகள் குறித்த உரையாடலின் போது, ​​அமைதிக்குத் தடையாக இருப்பது இஸ்ரேல் அல்ல என்று குறிப்பிட்ட நெதன்யாகு, "இஸ்ரேல் மற்றும் அமெரிக்காவின் எதிரிகள்" என்று தங்களை அழைத்துக்கொள்பவர்களே இதற்குத் தடை என்று கூறினார். இவர்கள், இஸ்ரேல் எந்த எல்லைகளைக் கொண்டிருந்தாலும், யூதர்களுக்குத் தங்கள் சொந்த நாட்டை அமைக்கும் உரிமை உண்டு என்பதை அங்கீகரிக்க மறுக்கிறார்கள்.

மேலும், இஸ்ரேலும் அமெரிக்காவும் பொதுவான எதிரிகளை எதிர்கொள்வதாகவும், அந்த எதிரிகள் இரு நாடுகளுக்கும் எதிராக மரண முழக்கங்களை எழுப்புவதாகவும் அவர் குறிப்பிட்டார். இரு தரப்பினரும் ஒரு பொதுவான நாகரிகத்தைப் பாதுகாத்து வருவதாக அவர் கூறினார்.

👈  "மாயை அடிப்படையில் கட்டமைக்கப்படும் எந்தவொரு அமைதியும் மத்திய கிழக்கின் யதார்த்தம் எனும் பாறையில் மோதிச் சிதறிவிடும்" என்று எச்சரித்தார். இஸ்ரேலின் இருப்பை அங்கீகரிக்க மறுப்பவர்களைத் திருப்திப்படுத்தவோ அல்லது பயங்கரவாதத்திற்கு இணங்கிச் செல்லவோ இஸ்ரேல் தனது சொந்த இருப்பையே ஆபத்துக்குள்ளாக்காது.