பலஸ்தீனத்திற்கு ஆதரவாக நின்றதற்காக இஸ்ரேலும், அமெரிக்காவும் ஸ்பெயினுக்குக் கொடுத்த அதிர்ச்சி

கடந்த இரண்டு நாட்களாக ஊடகங்களில் பெருமளவில் பேசப்படும் செய்தி இதுதான்.

ஆப்பிரிக்காவின் வடகோடியில் உள்ள நாடு மொராக்கோ. புவியியல் ரீதியாக மொராக்கோவின் பகுதியாகவே அமைந்திருக்கும் இரண்டு சிறிய பகுதிகள் தான் செவுடா (Ceuta) மற்றும் மெலில்லா (Melilla).

1415-இல் போர்த்துகீசியர்கள் செவுடாவைக் கைப்பற்றித் தங்களது ஆட்சியின் கீழ் கொண்டு வந்தனர்.

1580-இல் ஸ்பெயின் மற்றும் போர்த்துகீசிய முடியாட்சிகள் ஒன்றிணைந்ததை அடுத்து, செவுடா ஸ்பெயினின் கட்டுப்பாட்டின் கீழ் வந்தது.

1668-இல் போர்த்துகீசியம் அதிகாரப்பூர்வமாக செவுடாவின் முழு இறையாண்மையையும் ஸ்பெயினுக்குக் கையளித்தது.

1995-இல் ஸ்பெயின் செவுடா மற்றும் மெலில்லா ஆகிய பகுதிகளுக்கு 'சுயாட்சி நகரம்' (Autonomous City) என்ற சிறப்பு அரசியல் அமைப்பு அந்தஸ்தை வழங்கியது.

சுருங்கச் சொன்னால், நான்கு நூற்றாண்டுகளாக ஸ்பெயினின் அங்கமாகத் தொடரும், ஐரோப்பாவில் இல்லாத, ஆப்பிரிக்கக் கண்டத்தில் அமைந்திருக்கும் இரண்டு நிலப்பகுதிகள் இவை. புவியியல் ரீதியாக இவை மொராக்கோவின் பகுதியாகும். இதற்கும் ஸ்பெயினுக்கும் இடையே பரந்து விரிந்த மத்தியதரைக் கடல் உள்ளது! இங்கு வாழும் ஸ்பெயின் குடியுரிமை பெற்ற மக்களுக்கும் மொராக்கோவாசிகளுக்கும் மரபியல் ரீதியாக எந்த வேறுபாடும் இல்லை. ஆனால், ஐரோப்பியர்களான ஸ்பெயின் மக்களுடன் இவர்கள் மரபியல் ரீதியாக வேறுபடுகிறார்கள்.

இந்த விசயத்தைச் சற்று எளிதாகப் புரிந்துகொள்ள நாம் இந்தியாவின் உதாரணத்தை எடுத்துக் கொள்வோம்.

இந்தியாவிற்கு 1947-இல் பிரிட்டிஷாரிடமிருந்து சுதந்திரம் கிடைத்தபோது, போர்த்துகீசியர்களின் கட்டுப்பாட்டில் இருந்த பகுதிகள் சுதந்திரமடையவில்லை. அவை போர்த்துகீசிய ஆட்சியின் கீழ் இருந்தன. கோவா போர்த்துகீசிய ஆட்சியிலிருந்து விடுதலையானது 1961 டிசம்பர் 19 அன்றுதான். அதாவது, அந்த நாளுக்கு முன்பு வரை கர்நாடகா அல்லது மகாராஷ்டிராவில் உள்ள மக்கள் தொட்டடுத்த கோவாவிற்குச் சென்றால், அவர்கள் இந்தியாவிலிருந்து ஒரு ஐரோப்பிய நாட்டிற்குச் சென்றதாகவே கருதப்படும்.

கோவாவில் வாழ்ந்த சாதாரண மக்கள் எவருக்கும் ஐரோப்பியர்களுடன் மரபியல் ரீதியாக எந்தத் தொடர்பும் இருக்கவில்லை. அவர்கள் அனைவரும் மரபியல் ரீதியாக இந்திய வம்சாவளியினரே; ஆனால் **முறைப்படி** போர்த்துகீசியர்களாக இருந்தனர்.

இனி இன்றைய உலகச் சூழலுக்கு வருவோம். இந்தியா உள்ளிட்ட ஏழை ஆசிய நாடுகளைச் சேர்ந்தவர்களும் ஆப்பிரிக்க நாடுகளைச் சேர்ந்தவர்களும் ஒரு வாய்ப்புக் கிடைத்தால் சட்டப்பூர்வமாகவோ அல்லது சட்டவிரோதமாகவோ ஐரோப்பா, அமெரிக்கா, கனடா, ஆஸ்திரேலியா, நியூசிலாந்து போன்ற நாடுகளுக்கெல்லாம் குடியேறத் தயார் நிலையில் இருப்பவர்கள்தான். வாய்ப்புக் கிடைக்காததால் மட்டுமே பெரும்பான்மையான மக்கள் அதற்கு முயல்வதில்லை. அப்படி இருந்தும், இன்றளவும் இந்தியாவிலிருந்தெல்லாம் இதுபோன்ற குடியேற்றங்கள் பெருமளவில் நடக்கின்றன. சிறந்த வாழ்வாதாரச் சூழலைத் தேடும் மனிதனின் இயல்பான விருப்பமே இதற்குக் காரணம்.

ஐரோப்பாவில் 50 லட்சத்திற்கும் அதிகமான சட்டவிரோத இந்தியக் குடியேறிகள் இருப்பதாகக் கணக்குகள் கூறுகின்றன. அமெரிக்காவில் 2021-ஆம் ஆண்டுக் கணக்கீட்டின்படி 7,25,000 சட்டவிரோத இந்தியக் குடியேறிகள் உள்ளனர். ஐரோப்பா, அமெரிக்கா போன்ற நாடுகளுக்குச் சட்டவிரோதமாகக் குடியேறுவதற்கே மிகப்பெரிய அளவில் பணச்செலவு ஆகிறது. 50 லட்சத்திற்கும் அதிகமான ரூபாயை முகவர்களுக்குக் கொடுத்தே பலர் சட்டவிரோதமாகக் குடியேறுகிறார்கள்! அதாவது, இந்தியாவில் உள்ள பணக்காரர்களுக்கு மட்டுமே சட்டவிரோதக் குடியேற்றத்திற்குக்கூட வாய்ப்பு உள்ளது என்பதே உண்மை! புவியியல் ரீதியாக மிகவும் தொலைவில் இருக்கிறது என்பதனாலேயே இந்தியாவிலிருந்து பெரும்பான்மையான மக்களால் அங்குச் செல்ல முடிவதில்லை.

அமெரிக்காவிலிருந்து ஆயிரக்கணக்கான சட்டவிரோத இந்தியக் குடியேறிகளைப் பிடித்து, சரக்கு விமானத்தில் விலங்கிட்டு இந்தியாவிற்கு நாடுகடத்தியது அண்மையில்தானே!

இப்போது நாம் செய்திக்குத் திரும்புவோம். கடந்த நாட்களில் 10,000-க்கும் மேற்பட்டோர் மொராக்கோவிலிருந்து செவுடாவிற்குச் சட்டவிரோதமாக ஊடுருவினர்! அதுதான் செய்திகளில் நிறைந்தது. திடீரென்று இப்படி ஒரு குடியேற்றத்திற்கு என்ன காரணம் என்று ஆராய்ந்தால் பல அசிங்கமான, சதித் திட்டங்கள் புரியவரும்!

சியோனிச  பயங்கரவாத இஸ்ரேலின் பாலஸ்தீன இனப்படுகொலையை ஐரோப்பாவில் மிகக் கடுமையாக எதிர்த்த நாடு ஸ்பெயின். பகிரங்கமாகப் பாலஸ்தீனத்தை அங்கீகரித்தும், இஸ்ரேலையும் அமெரிக்காவையும் கண்டித்தும் ஸ்பெயின் தனது நிலைபாட்டைத் தெளிவுபடுத்தியது. ஈரான் மீது தாக்குதல் நடத்தத் தங்கள் வான்வெளியைப் பயன்படுத்த அனுமதிக்க மாட்டோம் என்று ஸ்பெயின் உறுதியாக அறிவித்தது. இதனாலேயே டிரம்ப் மற்றும் நெதன்யாகுவின் எதிரிப் பட்டியலில் ஸ்பெயின் இடம்பெற்றது.

சியோனிச இஸ்ரேலுடன் நட்புறவில் இருக்கும் 'ஆப்ரகாம் உடன்படிக்கையில்' (Abraham Accords) கையெழுத்திட்ட நாடு மொராக்கோ. மொராக்கோவைப் பயன்படுத்தி ஸ்பெயினுக்குப் பாடம் புகட்ட சி.ஐ.ஏ (CIA) மற்றும் மொசாத் (Mossad) இணைந்து நடத்திய ஒரு சதியே கடந்த நாட்களில் நடந்த இந்தச் சட்டவிரோதக் குடியேற்றம்.

இந்தியர்களைப் போலவே முடிந்தால் ஐரோப்பிய நாடுகளுக்குக் குடியேறிப் பொருளாதார ரீதியாக முன்னேற வேண்டும் என்று ஆசைப்படுபவர்கள்தான் ஆப்பிரிக்காவில் உள்ளவர்களும். சி.ஐ.ஏ மற்றும் மொசாத்தின் தலைமையின்கீழ் மொராக்கோவின் சமூக ஊடகங்களில் மிகப்பெரிய அளவில் போலிப் பிரசாரங்கள் பரப்பப்பட்டன. "ஸ்பெயினுக்கான குடியேற்றக் கட்டுப்பாடுகள் நீக்கப்பட்டு புதிய சட்டம் வந்துவிட்டது", "செவுடா எல்லை திறந்துவிடப்பட்டுள்ளது", "அங்கு வருபவர்கள் அனைவருக்கும் ஸ்பெயின் குடியுரிமை வழங்கப்படும்" என்று சமூக ஊடகங்களில் பொய்யாகப் பரப்பினர்.

இதை நம்பி பல்லாயிரக்கணக்கான மக்கள் எல்லையைக் கடந்து செவுடாவை வந்தடைந்தனர். ஸ்பெயினுக்கு நெருக்கடி கொடுக்க இஸ்ரேலின் வழிகாட்டுதலின்படி மொராக்கோ அரசு எல்லையிலிருந்த பாதுகாப்பை வேண்டுமென்றே விலக்கிக் கொண்டது என்ற குற்றச்சாட்டுகளும் உள்ளன.

செவுடாவை வந்தடைந்த மக்கள் தாங்கள் ஏமாற்றப்பட்டதை உணர்ந்து, வந்த வேகத்தை விட அதிவேகமாக மொராக்கோவிற்கே திரும்பிச் சென்றனர் என்பதுதான் உண்மை.

பாலஸ்தீனத்திற்கு ஆதரவாக நின்றதற்காக சியோனிச இஸ்ரேலும் அமெரிக்காவும் சேர்ந்து ஸ்பெயினுக்குக் கொடுத்த மிகப்பெரிய செக் இது. இதில் பலியானது என்னவோ பாவம் மொராக்கோ மக்களும் ஸ்பெயின் அரசும்தான். இந்த மக்கள் திரள் ஓட்டத்தின் போது பலரும் தங்களது உயிரை இழந்தனர்.

ஸ்பெயின் இப்போதும் ஆப்பிரிக்காவில் காலனி ஆதிக்கத்தைத் தொடர்கிறது என்று பிரசாரம் செய்வதே இதன் முக்கிய நோக்கம். உண்மையில் செவுடா மற்றும் மெலில்லா மக்கள் ஸ்பெயினுடன் நிற்கவே விரும்புகிறார்கள். காலனியாக அல்லாமல், ஒரு சுதந்திர நகரமாகவே ஸ்பெயின் இவற்றைப் பார்க்கிறது. ஸ்பெயின் குடிமக்களுக்கான அனைத்து உரிமைகளும் இவர்களுக்கும் உண்டு.

இஸ்ரேல் பாலஸ்தீனத்தைச் சட்டவிரோதக் காலனியாகப் பிடித்து வைத்திருப்பதைப் போலத்தான் ஸ்பெயினும் செய்கிறது எனக் காட்டவே இஸ்ரேல் இந்த அசிங்கமான ஆட்டத்தை ஆடுகிறது.

முட்டாள் சங்கிகளும் 'கிரிசங்கிகளும்' (கிறிஸ்தவ வலதுசாரி இஸ்லாமிய வெறுப்பாளர்கள்) "முஸ்லிம்கள் ஐரோப்பாவிற்குள் சட்டவிரோதமாக ஊடுருவுகிறார்கள்" என்று கூறி இதிலும் மதவெறியைத் தூண்டி விடுகிறார்கள். ஐரோப்பிய நாடுகளுக்கும் அமெரிக்காவிற்கும் இந்தியாவிலிருந்து சட்டவிரோதமாகக் குடியேறுபவர்களில் 99% பேர் இவர்கள்தான் என்பதே இதில் வேடிக்கை! 'விபச்சாரம் செய்பவர் கற்பைப் பற்றிப் பேசிய கதையாக' அன்றி இதை வேறு என்னவென்று சொல்வது!

Jauzal CP