ஜம்இய்யத்துஷ் ஷபாப் AMYS நிறுவனத்தின் மதம்கடந்த மகத்தான, மனிதநேய பணிக்கு சுகாதார அமைச்சு பாராட்டு
மேற்படி நிகழ்வு வைத்தியசாலையின் வைத்திய அத்தியட்சகர் Dr. M.S.M. ஜாபிர் தலைமையில் நடைபெற்றதுடன் AMYS நிறுவனத்தின் முகாமைத்துவப் பணிப்பாளர் அஷ்ஷெய்க் M.S.M. தாஸீம், நிறுவனத்தின் நிறைவேற்றுப் பணிப்பாளர் திரு. ஜே. எம் வாரித், அரச நிறுவனங்களின் முக்கிய அதிகாரிகள், காத்தான்குடி பொலிஸ் நிலைய பொறுப்பதிகாரி மற்றும் முக்கிய பிரமுகர்கள், வைத்தியசாலை அதிகாரிகள் என பலர் கலந்து கொண்டனர்.
இந்நிகழ்வின் போது மேலதிக செயலாளர் மேலும் கூறுகையில்,
இனமத வேறுபாடுகளுக்கு அப்பால் கடந்த பல வருடங்களாக இந்நிறுவனம் 30000 ஆயிரத்துக்கும் மேற்பட்ட இலவச கண் சத்திர சிகிச்சைகளை மேற்கொண்டுள்ள நிகழ்வு சகலராலும் பாராட்டத்தக்கதோர் விடயமாகும். செய்தவர்கள் வாழ்த்து மறைந்தாலும் செய்யப்பட்டவர்கள் வாழ்ந்து நன்றியுடன் நினைவு கூறுவார்கள். என்றார்.
AMYS நிறுவனம் கடந்த 2001 ஆம் ஆண்டு முதல் கண்புரை சத்திர சிகிச்சை முகாம்களை இன, மத பேதங்களுக்கு அப்பால் மனிதாபிமான அடிப்படையில் இலங்கையில் நடாத்தி வருவதுடன், 1997 ஆம் ஆண்டு முதல் பல்வேறு சமூக அபிவிருத்தித் திட்டங்களை இலங்கையில் நடைமுறைப்படுத்தி வரும் நிறுவனமாகும். அந்தவகையில், கண்புரை சத்திர சிகிச்சையில் இதுவரை 31 முகாமைகளை வெற்றிகரமாக நடாத்தி முடித்து, அன்றாட வாழ்வில் பல இடர்களுடன் வாழ்ந்த 32000 ஆயிரத்துக்கும் அதிகமான நோயாளர்களின் இழந்த பார்வையை சத்திர சிகிச்சைக்கு பின்னர் மீளப்பெற்றுக் கொடுப்பதற்கு காரணமாக இருந்திருக்கிறது.
இப்பாரிய வேலைத்திட்டத்தினை AMYS நிறுவனம் கடந்த 26 வருடங்களாக அல்பஸர் சர்வதேச அமைப்பு (Albasar International Foundation) இணைந்து ஏற்பாடு செய்து வருவதுடன், இதற்காக சர்வதேச ரீதியில் பல மனிதாபிமான நற்பணிகளை மேற்கொண்டு வரும் பல்வேறு அமைப்புக்கள் நிதி அனுசரணையை வழங்கி வருகின்றன. அந்த வகையில் கடந்த காலங்களில் ஐக்கிய அமீரகத்தின் ‘நூர் துபாய்’ திட்டம் குவைத் செம்பிறை அமைப்பு, கட்டார் செரிட்டி என்பன முக்கியமான அமைப்புகளாகும். குறிப்பாக சர்வதேச ரீதியாக பல நாடுகளில் பணியாற்றி வரும் சவூதி அரேபியாவின் நிவாரண மற்றும் மனிதநேயப் பணிகளுக்கான மன்னர் சல்மான் மையத்தின் ‘நூர் சவூதி’ திட்டம் மிக முக்கியமான திட்டங்களில் ஒன்றாகும். இந்த திட்டத்தினால் உலகளவில் ஆயிரக்கணக்கான மக்கள் பயனடைந்துள்ளமை குறிப்பிடத்தக்கதாகும்.
நிகழ்வின் போது உரையாற்றிய AMYS நிறுவனத்தின் பணிப்பாளர்
இலங்கையில் இந்த செயற்திட்டத்தை நடைமுறைப்படுத்த இலங்கை அரசு அதேபோன்று அரச நிறுவனங்கள், திணைக்களங்கள் அதன் அதிகாரிகள் தொடர்ந்து வழங்கிவரும் ஒத்துழைப்புக்களுக்கு நன்றி தெரிவித்ததுடன் இந்த திட்டம் இலங்கையில் தொடதேர்ச்சியாக நடைபெறுவதற்கு காரணமாக இருக்கும் அனுசரணையாளர்களையும் அன்புடன் நினைவு கூர்ந்து தனது இதயபூர்வமான நன்றிகளைத் தெரிவித்தார்.
Post a Comment