நாயின் உதவியுடன் பிடிபட்ட, பெருந்தொகை போதைப் பொருள்

85  மில்லியன் ரூபா மதிப்புள்ள "குஷ்" என்ற போதை பொருளை சட்டவிரோதமாக நாட்டிற்கு கொண்டு வந்த ஒரு வெளிநாட்டு பயணியை சர்வதேச  விமான நிலையத்தில் , "ராண்டி" என்ற பொலிஸ்  நாயின் உதவியுடன் அதிகாரிகள் கைது செய்துள்ளனர்.

கைது செய்யப்பட்ட நபர் இந்தியாவின் சென்னையில் வசிக்கும் 33 வயது புகைப்படக் கலைஞர்.   அவர் இலங்கை ஏர்லைன்ஸ் விமானம் UL-403 மூலம் கட்டுநாயக்க விமான நிலையத்திற்கு வந்துள்ளார், மேலும் இலங்கை ஏர்லைன்ஸ் விமானம் UL-139 இந்தியாவின் மதுரைக்கு புறப்படும்வரும் வரை விமான நிலைய போக்குவரத்து முனையத்தில் காத்திருந்தார்.

இலங்கை ஏர்லைன்ஸ் அதிகாரிகள் அவரது பொருட்களை ஸ்கேன் செய்தபோது, அதில் சந்தேகத்திற்கிடமான ஒன்றைக் கண்டனர், அருகில் பணியில் இருந்த "ராண்டி" என்ற பொலிஸ் நாய் பொருட்களை அகற்றி, அதில் போதைப்பொருள் பதுக்கி வைத்திருப்பதை சமிக்ஞை செய்தது.

அதன்படி, இந்திய நாட்டவரை கைது செய்து சோதனை செய்தபோது, 16 பாக்கெட்டுகளில் பொதி செய்யப்பட்ட 8 கிலோகிராம் 542 கிராம் "குஷ்" போதைப்பொருள் அவரது பொருட்களில் மறைத்து வைக்கப்பட்டிருப்பது கண்டுபிடிக்கப்பட்டது.