பொஸ்னியாவை நீங்கள் புரிந்துகொள்ளவில்லை என்றால், காஸாவை புரிந்துகொள்ள மாட்டீர்கள்...!

- Courtesy: Fairooz Mahath -

ஆயுதங்களை ஒப்படையுங்கள்! நாங்கள் உங்களை ஆடுகளைப் போல அடித்து கொன்று, உங்கள் நிலங்களை ஆக்கிரமிப்போம்...!!

- ஃபஹ்மி ஹுவைதி

போஸ்னியாவை நீங்கள் புரிந்துகொள்ளவில்லை என்றால், காஸாவை நீங்கள் புரிந்துகொள்ள மாட்டீர்கள்...!!

காஸாவிலும் அங்கு நடக்கும் கொடூரங்களையும் நீங்கள் புரிந்துகொள்ள வேண்டுமென்றால், முதலில் போஸ்னியாவைப் புரிந்துகொள்ளுங்கள்...

 அப்போதுதான் இந்த அதிர்ச்சி உங்களுக்குப் புதிதாக இருக்காது...!!

செர்பியர்களால் போஸ்னிய முஸ்லிம்களுக்கு எதிராகத் தொடுக்கப்பட்ட இன அழிப்புப் போரில், மூன்று லட்சம் முஸ்லிம்கள் உயிர்த்தியாகம் செய்தனர்.

அறுபதாயிரம் பெண்களும் சிறுமிகளும் பாலியல் வன்கொடுமைக்கு ஆளாயினர்.

ஒன்றரை கோடி மக்கள் தங்கள் இருப்பிடங்களை விட்டு விரட்டப்பட்டனர்.

 * இது நமக்கு நினைவிருக்கிறதா?

   அல்லது இதை நாம் மறந்துவிட்டோமா?

   *இல்லை, இதைப் பற்றி உங்களுக்கு எதுவுமே தெரியாதா?!

 * ஒரு "CNN" செய்தித் தொகுப்பாளர் போஸ்னிய படுகொலைகளின் நினைவுநாளைப் பற்றிப் பேசும்போது, பிரபல செய்தியாளர் கிறிஸ்டியன் அமன்பூரிடம் கேட்கிறார்:

 * வரலாறு மீண்டும் நிகழ்கிறதா?

 * "CNN" செய்தியாளர் கிறிஸ்டியன் அமன்பூர், போஸ்னிய நினைவுநாள் குறித்துக் கூறுகிறார்:

 * அது ஒரு இடைக்காலப் போர். முஸ்லிம்கள் கொல்லப்பட்டனர், முற்றுகையிடப்பட்டனர், பட்டினி போடப்பட்டனர். ஆனால் ஐரோப்பா தலையிட மறுத்து,

 * இது உள்நாட்டுப் போர்* என்று கூறியது. அது ஒரு பொய்...!

 * அந்தப் இன அழிப்பு சுமார் நான்கு ஆண்டுகள் நீடித்தது. அப்போது, செர்பியர்கள் எண்ணூறுக்கும் மேற்பட்ட மஸ்ஜிதுகளை இடித்துத் தள்ளினர். அவற்றில் சில 16-ஆம் நூற்றாண்டைச் சேர்ந்தவை. சரயேவோவின் வரலாற்றுச் சிறப்புமிக்க நூலகத்தையும் எரித்துச் சாம்பலாக்கினர்.

 * ஐக்கிய நாடுகள் சபை தலையிட்டு, கோரஸ்டே, ஸ்ரெப்ரெனிட்சா, ஸெபா போன்ற இஸ்லாமிய நகரங்களின் நுழைவாயில்களில் தடுப்பு அரண்களை அமைத்தது. ஆனால், அந்த நகரங்கள் முற்றுகையிடப்பட்டு குண்டு வீச்சுக்குள்ளானதால், அந்தப் பாதுகாப்பு பயனற்றுப் போனது.

 * செர்பியர்கள் ஆயிரக்கணக்கான முஸ்லிம்களைத் தடுப்பு முகாம்களில் அடைத்து, சித்திரவதை செய்தனர், பட்டினி போட்டு எலும்புக் கூடுகளாக மாற்றினர்.

 * ஒரு செர்பிய தளபதியிடம் ஏன் எனக் கேட்கப்பட்டபோது:

   அவர் பதிலளித்தார்: ஏனெனில் அவர்கள் பன்றி இறைச்சி சாப்பிடுவதில்லை!

 * போஸ்னிய படுகொலைகளின்போது, "தி கார்டியன்" செய்தித்தாள் முஸ்லிம் பெண்களைப் பாலியல் வன்கொடுமை செய்த முகாம்களின் இருப்பிடங்களைக் காட்டும் ஒரு முழுப் பக்க வரைபடத்தை வெளியிட்டது. அதில், செர்பியாவிற்குள்ளேயே 17 பெரிய முகாம்கள் இருந்தன.

 * செர்பியர்கள் குழந்தைகளையும் பாலியல் வன்கொடுமை செய்தனர்... நான்கு வயதுச் சிறுமியையும் விட்டுவைக்கவில்லை...

   அவளைப் பற்றி "தி கார்டியன்" வெளியிட்ட அறிக்கை, "முஸ்லிமாக இருந்தது மட்டுமே அவளது குற்றம்" என்ற தலைப்பில் இருந்தது.

 * கொலைகாரன் மிலாடிச்,  ஸெபாவில் இருந்த முஸ்லிம் தலைவரைச் சந்திப்புக்கு அழைத்தான். அவருக்குச் சிகரெட் கொடுத்தான், சற்றுச் சிரித்துப் பேசினான், பின்னர் திடீரெனப் பாய்ந்து அவரைக் கழுத்தறுத்துக் கொன்றான்.

இதேபோல, ஸெபாவிலும் அதன் மக்களுக்கும் எதிராக அவர்கள் பல கொடுமைகளைச் செய்தனர்.

 * ஆனால், மிகவும் இழிவான குற்றம் ஸ்ரெப்ரெனிட்சாவின் முற்றுகைதான். சர்வதேசப் படையினர் செர்பியர்களுடன் சேர்ந்து விருந்துவைத்து ஆடிப்பாடினர். அவர்களில் சிலர், ஒரு பிடி சோற்றுக்காக முஸ்லிம் பெண்களின் கண்ணியத்துடன் பேரம் பேசினர்.

 * செர்பியர்கள் ஸ்ரெப்ரெனிட்சாவை இரண்டு ஆண்டுகள் இடைவிடாமல் குண்டுமழையால் முற்றுகையிட்டனர். நகரத்திற்கு வந்த நிவாரண உதவிகளில் பெரும்பகுதியை அவர்கள் அபகரித்தனர். பின்னர், மேற்கு நாடுகள் அந்த நகரத்தை ஓநாய்களிடம் ஒப்படைக்க முடிவு செய்தன: ஸ்ரெப்ரெனிட்சாவைப் பாதுகாத்து வந்த டச்சுப் பட்டாலியன் செர்பியர்களுடன் சதி செய்து, பாதுகாப்பிற்கு ஈடாக ஆயுதங்களை ஒப்படைக்குமாறு முஸ்லிம்களை வற்புறுத்தியது...!

 * பலவீனமடைந்து, சித்திரவதைக்கு உள்ளான முஸ்லிம்கள் அதற்கு இணங்கினர். செர்பியர்கள் உறுதியானதும், அவர்கள் ஸ்ரெப்ரெனிட்சாவின் மீது பாய்ந்து, ஆண்களைப் பெண்களிடமிருந்து பிரித்தனர். 12,000 ஆண்களையும் (சிறுவர்கள் மற்றும் ஆண்கள்) ஒரே இடத்தில் திரட்டி, அனைவரையும் கழுத்தறுத்துக் கொன்றனர். அவர்களின் உடல்களைச் சிதைத்தனர்.

 * சிதைவின் வடிவங்களில் ஒன்று:

   ஒரு செர்பியன் ஒரு முஸ்லிம் ஆணின் மீது நின்று, அவன் உயிருடன் இருக்கும்போதே அவனது முகத்தில் ஒரு ஆர்த்தடாக்ஸ் சிலுவையை செதுக்கினான் ("நியூஸ்வீக்" அல்லது "டைம்" அறிக்கையின்படி).

 * சிலர், தாங்க முடியாத வலியால் தங்களைக் கொன்றுவிடும்படி செர்பியர்களிடம் கெஞ்சினர்...!

 * ஒரு தாய், செர்பியனின் கையைப் பிடித்து தன் குழந்தையைக் கொல்ல வேண்டாம் எனக் கெஞ்சினாள். ஆனால், அவன் அவளது கையை வெட்டிவிட்டு, அவளது கண்களுக்கு முன்னால் அந்தக் குழந்தையின் கழுத்தை அறுத்தாள்...!

   படுகொலைகள் தொடர்ந்தன...

   அதை நாம் பார்த்தோம், கேட்டோம், உண்டோம், விளையாடினோம், கேளிக்கை செய்தோம்.

 * ஸ்ரெப்ரெனிட்சா படுகொலைக்குப் பிறகு, கொலைகாரன் ரடோவன் காராட்சிச் வெற்றி முழக்கத்துடன் நகரத்திற்குள் நுழைந்து அறிவித்தான்:

   'ஸ்ரெப்ரெனிட்சா எப்போதும் செர்பியர்களுக்குச் சொந்தமானது. இப்போது அது மீண்டும் செர்பியர்களின் அரவணைப்பிற்குத் திரும்பிவிட்டது.' என்று.

 * செர்பியர்கள் முஸ்லிம் பெண்களைப் பாலியல் வன்கொடுமை செய்து, அவர்கள் பிரசவிக்கும் வரை ஒன்பது மாதங்கள் அடைத்து வைத்திருந்தனர். ஏன்?

   ஒரு செர்பியன் ஒரு மேற்கத்தியப் பத்திரிகையிடம் கூறினான்:

   முஸ்லிம் பெண்கள் செர்பியக் குழந்தைகளைப் பெற்றெடுக்க வேண்டும் என்று நாங்கள் விரும்பினோம்.

 * போஸ்னியா, சரயேவோ, பான்ஜா லுகா மற்றும் ஸ்ரெப்ரெனிட்சாவை நாம் நினைவுகூறும்போது,

   நாம் சொல்கிறோம், மீண்டும் மீண்டும் சொல்கிறோம்:

   பால்கனை நாம் மறக்க மாட்டோம்...

   கிரனாடாவை நாம் மறக்க மாட்டோம்...

   ஃபலஸ்தீனத்தை நாம் மறக்க மாட்டோம்...

 * அப்போது ஐ.நா.வின் பொதுச்செயலாளராக இருந்த ஆர்த்தடாக்ஸ் வயோதிகர் பவுட்ரோஸ் பவுட்ரோஸ்-காலி, தனது செர்பிய சகோதரர்களுக்கு வெளிப்படையாக ஆதரவு அளித்த நிலையை, நாம் வெட்கத்தின் மையால் இங்கே பதிவு செய்ய வேண்டும்.

 * இருப்பினும், முப்பது ஆண்டுகளுக்குப் பிறகும் நாம் பாடம் கற்றுக்கொள்ளவில்லை...

 * ஒரு அவசியமான கூடுதல் தகவல்: செர்பியர்கள் மார்க்க அறிஞர்கள், பள்ளிவாசல் இமாம்கள், அறிவுஜீவிகள் மற்றும் வணிகர்களைக் குறிவைத்து, அவர்களைக் கட்டிப்போட்டு, கழுத்தறுத்து, ஆற்றில் வீசிக் கொன்றனர்.

வரலாற்றுச் சம்பவங்கள் குழந்தைகளைத் தூங்க வைப்பதற்காகச் சொல்லப்படுவதில்லை!

அவை(பருவ வயதை அடைந்த)  மனிதர்களை தட்டி எழுப்புவதற்காகச் சொல்லப்படுகின்றன.