பாரிய இழப்புகளுடன் இஸ்ரேல்

காஸா மீதான தாக்குதலை, பிரபல யூத சமூகவியலாளரும் வரலாற்றாசிரியருமான இலான் பப்பே, சியோனிசத்தின் இறுதி அத்தியாயம் என வர்ணித்தார்.

பப்பே இந்தக் கருத்தை வரலாற்றுப் பின்னணியில் முன்வைத்தாலும், வேறு சில புள்ளிவிவரங்களும் இதை உறுதிப்படுத்துகின்றன.

**ஹமாஸின் தாக்குதலுக்குப் பின்னரே சியோனிச இஸ்ரேலின் பாதுகாப்பின்மை வெளிப்படத் தொடங்கியது.** காஸா போர் வெடித்த பிறகு, வெளிநாடுகளுக்குப் பணத்தை மாற்ற விரும்பும் சியோனிச இஸ்ரேலியர்களின் எண்ணிக்கையில் 50% அதிகரித்துள்ளதாக புள்ளிவிவரங்கள் தெரிவிக்கின்றன.

2023 அக்டோபர் முதல், சியோனிச இஸ்ரேலில் இருந்து மற்ற நாடுகளுக்கான பணப் பரிமாற்றம் **ஏழு மடங்கு அதிகரித்துள்ளதாகக்** கூறப்படுகிறது. அந்த ஆண்டு மட்டும் சுமார் **$5.6 பில்லியன்** சியோனிச இஸ்ரேலை விட்டு வெளியேறியுள்ளது. சியோனிச இஸ்ரேல் தனது உயர் தொழில்நுட்ப இராணுவத்தைப் பராமரிக்க வேண்டுமானால், அதற்கு ஒரு வலுவான பொருளாதாரம் அவசியம்.

இன்று, பொருளாதாரத்தைத் தாங்கி நிற்கும் சமூகத்தின் சில பிரிவினர்தான் நெதன்யாகுவின் அரசாங்கத்தை கடுமையாக எதிர்க்கின்றனர். ஆனால், அவர்கள் அவரது போர்களை எதிர்க்கவில்லை; மாறாக, மேற்கத்திய வாழ்க்கை முறையைத் தக்கவைத்துக்கொள்ள முயன்றாலும், சியோனிச இஸ்ரேலின் இராணுவ நடவடிக்கைகளைத் தொடர்ந்து ஆதரிக்கின்றனர்.

நெதன்யாகுவின் சியோனிச இஸ்ரேல் பற்றிய பார்வை என்பது, அண்டை நாடுகளுடன் தொடர்ச்சியான மோதலில் ஈடுபடும், இன-மத ரீதியாகவும், சுதந்திர சந்தை அடிப்படையிலும் இயங்கும் ஒரு நாடாக, **போர்கள் மற்றும் அழிவுகள் மூலம் தனது பரப்பளவை விரிவுபடுத்துவது** என்பதாகும். ஆனால், இந்தப் போரின் விளைவுகளை உணர்ந்த சியோனிச இஸ்ரேலியர்கள், ஏற்கனவே அதன் தாக்கங்களை அனுபவிக்கத் தொடங்கியுள்ளனர். பொருளாதாரச் சொத்து இழப்புகள் இதில் ஆரம்பம். நீடித்த போர், சியோனிச இஸ்ரேலின் பொருளாதார ஆதாரங்களைச் சிதைத்து, நீண்டகாலப் பொருளாதாரச் சேதங்களுக்கு வழிவகுக்கும் என வல்லுநர்கள் எச்சரித்துள்ளனர்.

அரசியல், இராணுவரீதியாக வலிமையாகவும், கலாச்சார ரீதியாக உயர்ந்து நிற்கும் உறுதியான சமூகம் கொண்ட **ஈரானைத் ஒரு பயங்கரவாத அமைப்பாகக் கருதி அணுகியது, அமெரிக்கா மற்றும் சியோனிச இஸ்ரேலின் முதல் தவறு.** இந்தப் போர், சியோனிச இஸ்ரேலின் உள்ளார்ந்த புவியியல், பொருளாதார மற்றும் மக்கள்தொகை சார்ந்த பலவீனங்களை வெளிச்சத்திற்குக் கொண்டு வந்துள்ளது.

சியோனிச இஸ்ரேலியப் பகுதியில் வெற்றிகரமாகத் தாக்கிய ஈரானிய ஏவுகணைகள், டெல் அவிவ்வில் உள்ள பல குடியிருப்புப் பகுதிகளை வாழத் தகுதியற்றதாக்கியுள்ளன. தற்போது, பல குடும்பங்கள் வீடற்றவர்களாகி, இழப்பீடு கோரி அரசாங்கத்தை அணுகி வருகின்றனர். சியோனிச இஸ்ரேலியர்கள் தனியார் படகுகள் மூலம் சைப்ரஸுக்குத் தப்பிச் செல்ல முயற்சிப்பதாக வெளியான செய்திகளில் ஆச்சரியமில்லை.

காஸா பற்றி எரிந்து கொண்டிருந்தபோது, டெல் அவிவ்வில் எஸ்பிரெசோ குடிக்கும் கனவு சிதைந்துவிட்டது.

K.A. Salim