6 வயது பலஸ்தீனக் குழந்தையை கொன்ற, அமெரிக்கருக்கு 53 வருட சிறை

6 வயது பாலஸ்தீன அமெரிக்க சிறுவனைக் கொன்று சிறுவனின் தாயாரைக் கடுமையாக காயப்படுத்திய அமெரிக்கா இல்லினாய்ஸைச் சேர்ந்த  குற்றவாளிக்கு  53 ஆண்டுகள் சிறைத்தண்டனை விதிக்கப்பட்டுள்ளது.

நீதிபதிகள் நேற்று 02-05-2025 இந்த தீர்ப்பை அறிவித்தனர்.

அக்டோபர் 7 தாக்குதல்களைத் தொடர்ந்து தொடங்கிய காசா மீதான இஸ்ரேலின் போர் தொடங்கிய சில நாட்களுக்குப் பிறகு, 73 வயதான ஜோசப் சுபா, வாடி அல்ஃபாயூமியைக் கத்தியால் குத்தி, அவரது தாயார், ஹனான் ஷாஹீனை கடுமையாக காயப்படுத்தினார்.

"இன்றைய தீர்ப்பு தேவையான அளவிலான நீதியை வழங்குகிறது" என்று அமெரிக்க - இஸ்லாமிய உறவுகள் கவுன்சில் கூறியது. "வாடி ஒரு அப்பாவி குழந்தை. அவர் முஸ்லிம், பாலஸ்தீனியர் என்பதற்காக குறிவைக்கப்பட்டார்."

அக்டோபர் 7 க்குப் பிறகு அமெரிக்காவில் நடந்த முதல் மற்றும் மிகவும் கொடூரமான வெறுப்பு குற்றங்களில் ஒன்றாக இந்தத் தாக்குதலை வழக்குரைஞர்கள் விவரித்தனர்.