சவூதி - ஈரான் புதிய உறவா..? மன்னர் சல்மான், கமேனிக்கு அனுப்பிய தகவல்

சவுதி அரேபியாவிற்கு ஈரான் அனைத்து துறைகளிலும் உதவ தயாராக உள்ளது என்று ஆயத்துல்லா கமேனி, சவுதி மன்னரின் மகன் பாதுகாப்பு அமைச்சர் இளவரசர் காலித் பின் சல்மானிடம்  கூறியுள்ளார்.

வியாழக்கிழமை (17) தெஹ்ரானில் நடந்த சந்திப்பின் போது,  சவுதி அரேபியா மன்னரின் மகன் தனது தந்தையிடமிருந்து ஈரானின் உச்ச தலைவருக்கு ஒரு கடிதத்தை வழங்கினார்.

"எங்கள் இருதரப்பு உறவுகள் மற்றும் பரஸ்பர ஆர்வமுள்ள தலைப்புகள் குறித்து நாங்கள் விவாதித்தோம்," என்று அவர் X தளத்தில் குறிப்பிட்டுள்ளார்.

"ஈரான் குடியரசுக்கும், சவுதி அரேபியாவிற்கும் இடையிலான உறவு இரு நாடுகளுக்கும் நன்மை பயக்கும் என்பது எங்கள் நம்பிக்கை," என்று வியாழக்கிழமை நடந்த சந்திப்பில் கமேனி கூறியதாக ஈரானிய அரசு ஊடகங்கள் மேற்கோள் காட்டின.

இளவரசர் காலித் ஜனாதிபதி மசூத் பெஷேஷ்கியனையும், ஈரானின் ஆயுதப்படைகளின் தலைமைத் தளபதி முகமது பகேரியையும் சந்தித்தார்.

"பெய்ஜிங் ஒப்பந்தத்திற்குப் பிறகு சவுதி மற்றும் ஈரானிய ஆயுதப்படைகளுக்கு இடையிலான உறவுகள் மேம்பட்டு வருகின்றன" என்று கூட்டத்திற்குப் பிறகு பகேரி கூறியதாக ஈரானிய அரசு ஊடகங்கள் தெரிவிக்கின்றன.

சவுதி அரேபியா அமெரிக்காவுடனான ஈரானின் அணுசக்தி பேச்சுவார்த்தைகளை வரவேற்றுள்ளது, பிராந்திய மற்றும் சர்வதேச மோதல்களைத் தீர்ப்பதற்கான முயற்சிகளை ஆதரிப்பதாகக் கூறியுள்ளது.