இனவாதத்தில், ஒரு சகவாழ்வு

சாக்கடையில்

சமுத்திரம் தேடும்

மீன்கள் நாங்கள் !

பூக்கடையில்

புரியாணி கேட்பான்

கொடுப்போம் நாங்கள் !

அடிமைத்தனத்துக்கு

மாற்றுப் பெயர்

வைத்துக் கொண்டோம்

" சகவாழ்வு " !

சாக்கடையில் பூக்கடை யா ?

சாராய போத்தலுக்குள்

ஸம்ஸம் நீரா ?

சரிப்பட்டு வருமா ...?

சிந்திப்போமா ??

இனவாதத்தில் ஒரு

சகவாழ்வு ......

சூனியம் -

இனவாதத்தில் ஒரு சகவாழ்வு

கானல் நீர் -

இனவாதத்தில் ஒரு சகவாழ்வு

முதலைக் கண்ணீர் - !

நொண்டிக் குதிரை

பந்தயத்தில் ஒடுமா? 

கூண்டுக்குயில் பாடுமா ?

கானமயில் ஆடும்

ஊன மயில் ஆடுமா ??

வாளில்லா பட்டம்

வானில் பறக்குமா ?வாதத்தில் வாழ்வு தான் பிறக்குமா ?

கேள்விகள் மட்டுமே

என்னிடத்தில் -

பதில் தருவார் யார் ? இனவாதத்தில் சகவாழ்வு

முளைக்குமா பார் ??

மைத்திரி வந்தால்

மாறுமென்றும் -

ராஜபக்ஷ வந்தால்

ராஜயோக மென்றும்

 எண்ணிய எங்கள்

பச்சோந்தித் தலைகளின்

தலைவர்களின்

பகல்கனவு சுக்குநூறாச்சு ..

மக்கள் எம் வாழ்வோ

நொந்து நூலாச்சு !

இனவாதம் - -

கை கோர்த்து

விரள்களை கழட்டிக் கொள்ளும்

கால் தடுக்கி விழுந்தாலும்

அலட்டிக் கொள்ளும் !

எனக்கு தாடி

உனக்கு மொட்டை -

எங்களுக்கு

தலை முதல் கால் மறைக்கும்

அபாயா

உங்களுக்கு

அக்குள் காட்டும் கவுன்

தொப்புள் காட்டும் லெகின் -

பார்க்க முடியவில்லை

எனும் ஆதங்கத்தில் நீ_

பார்த்துத் தொலைக்க வேண்டியிருக்கிறதே

எனும் கடுப்பில் நான் !

உன் காவியே

உனக்குப் பெரிசு -

என் ஆவியும்

எனக்கு தூசு !

துருவங்கள் இனையாது

இனவாதம் - சகவாழ்வு

துருவங்கள்

இனைக்காது ஒரு நாளும்

பருவங்கள் !

நண்பா !

கோடி கொடுத்தாலும்

பெட்டை கோழி கூவாது 

சேவல் முட்டை போடாது

காளை மாடு கறக்காது

இனவாதத்தில் ஒரு

சகவாழ்வு பிறக்காது !

சுயவிருப்பும் , சுதந்திரமும்

அவனவன் கைத்தடி -

சுழற்றும் வட்டத்துக்குள்

மூக்கை நுழைத்தது

யார் தப்பு ??

தப்பை

சரியாகச் செய்கிறது

இனவாதம் !

ஆக ...

இனவாதத்தில் ஒரு

சகவாழ்வு .....

காளை கன்று போட

வாலைத்தூக்கிப்

பார்த்திருந்தவன் முகத்தில்

சானம் விழுந்த கதை !!

          o

கம்மல்துறை எம்மெல் .ஷரான்