முஸ்லிம் சமூகத்திற்கு புதியதொரு, தலைமை உருவாக்கப்படவுள்ளதாக அறிவிப்பு

தேசிய முஸ்லிம் தலைமைத்துவ சபை என்ற பெயரில் முஸ்லிம் சமூகத்துக்கான புதியதொரு தலைமை உருவாக்கப்படவுள்ளதாக சித்தி லெப்பே ஆய்வு மன்றத்தின் தலைவர் சட்டத்தரணி மர்சூம் மௌலானா தெரிவித்தார். சித்தி லெப்பை ஆய்வுப் பேரவையின் முதலாவது தேசிய ஆய்வு மாநாடு தொடர்பில் ஊடகவியலாளர்களுக்கு விளக்கும் போதே அவர் இவ்வாறு குறிப்பிட்டார்.

முஸ்லிம் சமூகம் அதன் உள்ளக தலைமைத்துவப் பொறிமுறைகளில் நம்பிக்கை இழந்திருக்கிறது. அந்த இடத்தை நிரப்புவதற்கே இந்தத் தலைமைத்துவச் சபை உருவாக்கப்படுகிறது. ஏற்கனவே அகில இலங்கை ஜம்இய்யதுல் உலமா, தேசிய சூறா கவுன்சில், ஸ்ரீலங்கா முஸ்லிம் கவுன்சில்கள் இருந்தாலும்,  இந்தச் சபை அவற்றுடன் இணையாது தனியாகச் செயற்படும் என சித்தி லெப்பை ஆய்வுப் பேரவையின் தலைவர்  மேலும் தெரிவித்தார்.

முஸ்லிம் தேசியமும் சகவாழ்வும் என்ற தொனிப்பொருளில் சித்தி லெப்பை ஆய்வு மன்றம் தனது முதலாவது தேசிய ஆய்வு மாநாட்டை நடத்தவிருக்கிறது.  எதிர்வரும் ஜூலை மாதம் 22 ஆம் திகதி இந்த ஆய்வு மன்றம் கொழும்பில் நடைபெறும். இந்த ஆய்வு மாநாட்டின் போதே தேசிய முஸ்லிம் தலைமைத்துவ சபை பிரகடனம் செய்யப்படவுள்ளது.

தேசிய முஸ்லிம் தலைமைத்துவப் பேரவை நாடு முழுவதுமுள்ள 25 மாவட்டங்களிலும் இருந்து பிரதிநிதிகளைத் தெரிவு செய்யும். 09 மாகாணங்களிலும் இருந்து தெரிவு செய்யப்படும் பிரதிநிதிகளை வைத்து சுப்ரீம் கவுன்சில் உருவாக்கப்படும். இது இயக்கங்களையோ கட்சிகளையோ சாராது செயற்படும். சித்தி லெப்பை ஆய்வு மன்றம் இந்தத் தலைமைத்துவ சபை உருவாக்கத்துக்கான ஒருங்கிணைப்பாளராகச் செயற்படும் எனவும் இந்த ஊடகவியலாளர் மாநாட்டின் போது தெரிவிக்கப்பட்ட