டொனால்டு டிரம்ப், ஆபத்தில்லை - ஈரான்

அமெரிக்க அதிபராக டொனால்டு டிரம்ப் தேர்ந்தெடுக்கப்பட்டிருந்தாலும், வல்லரசு நாடுகளுடன் தான் மேற்கொண்ட அணுசக்தி ஒப்பந்தத்துக்கு ஆபத்தில்லை என்று ஈரான் தெரிவித்துள்ளது.

இதுகுறித்து அந்த நாட்டு அதிபர் ஹஸன் ரெளஹானி புதன்கிழமை கூறியது: அமெரிக்க அதிபர் தேர்தலில் வெற்றி பெற்று, டொனால்டு டிரம்ப் ஆட்சியமைத்தாலும், அவர் தேர்தல் பிரசாரத்தின்போது கூறியபடி ஈரான் அணுசக்தி ஒப்பந்தத்தை ரத்து செய்ய முடியாது.

வல்லரசு நாடுகளுடன் நாங்கள் செய்துகொண்டுள்ள அந்த ஒப்பந்தம், எந்த ஒரு தனி நாட்டுடனும் முடிந்துவிடாது.

எனவே, ஒரு நாட்டில் ஆட்சி ஏற்பட்டு, புதிய அரசு அந்த ஒப்பந்தத்தை ரத்து செய்வது என்பது இயலாத காரியம் என்றார் அவர்.