'பெண்களுக்கு அநீதியிழைக்கும் தலாக்முறை, முடிவுக்கு கொண்டுவரப்பட வேண்டும்' - மோடி அரசு

அனைத்து தரப்பினரிடமும் கருத்தொற்றுமையை ஏற்படுத்தாமல், பொது சிவில் சட்டம் கொண்டு வரப்பட மாட்டாது' என்று மத்திய தகவல், ஒலிபரப்புத் துறை அமைச்சர் வெங்கய்ய நாயுடு தெரிவித்தார்.

மூன்று முறை தலாக் கூறுவதை மத அடிப்படையில் மத்திய அரசு பார்க்கவில்லை. இது பெண்கள் சம்பந்தபட்ட உரிமை ஆகும். முஸ்லிம் சமூகத்தினரின் விவகாரங்களில் மத்திய அரசு தலையிடுவதாக கூறுவது தவறானதாகும்.

முஸ்லிம் பெண்களும், அமைப்பினரும் தான், தலாக் முறைக்கு முடிவு கட்டக் கோரி உச்ச நீதிமன்றத்தை அணுகியிருக்கின்றனர். இந்த விவகாரத்தில், மத்திய அரசின் கருத்துகளை அறிய உச்ச நீதிமன்றம் விரும்பியது. 

இதையடுத்து, "பெண்களுக்கு அநீதி இழைக்கும் தலாக் முறை, முடிவுக்கு கொண்டுவரப்பட வேண்டும்' என்ற மத்திய அரசின் கருத்து தெரிவிக்கப்பட்டது. இந்த விவகாரத்தில், உச்ச நீதிமன்றம் சரியான முடிவை மேற்கொள்ளும் என்ற நம்பிக்கை உள்ளது என்றார் அவர்.