நாமலின் கேள்வி

ஜனாதிபதி மைத்திரிபால சிறிசேனவும் பிரதமர் ரணில் விக்ரமசிங்கவும் புதிதாக தெரிவு செய்யப்பட்டுள்ள பிலிப்பைன்ஸ் ஜனாதிபதி ரொட்றிகோ டுடர்டியின் வழியை பின்பற்றி, அமைச்சர்களுக்கு ஆடம்பர வாகனங்களுக்கு பதிலாக ஏன் சாதாரண ரக வாகனங்களை வழங்கக் கூடாது என நாடாளுமன்ற உறுப்பினர் நாமல் ராஜபக்ச கேள்வி எழுப்பியுள்ளார்.

ஜனாதிபதியும் பிரதமரும் இலங்கையில் இந்த சாதாரண விடயத்தை கவனத்தில் கொள்வார்களா என அவர் தனது டுவிட்டரில் கேள்வி எழுப்பியுள்ளார்.

பிலிப்பைன்ஸ் நாட்டின் புதிய ஜனாதிபதி தனது அமைச்சரவையில் உள்ள அமைச்சர்களுக்கு ஆடம்பர கார்களுக்கு பதிலாக மலிவான விலையுடன் கூடிய கார்களை வழங்க திட்டமிட்டுள்ளார்.

தனது நிர்வாகத்தில் உள்ள சிரேஷ்ட உறுப்பினர்களுக்கு வழங்குவதற்காக டொயோடா அவன்ஷா எம்.பி.வி ரக காரை அவர் அடையாளம் கண்டுள்ளதாக ஊடகங்கள் தெரிவித்துள்ளன.

பிலிப்பைன்ஸ் புதிய ஜனாதிபதி எதிர்வரும் 30ம் திகதி பதவியேற்க உள்ளமை குறிப்பிடத்தக்கது.