பள்ளிவாசலின் முன், சிங்களேயின் போராட்டம் முடிவுக்கு வந்தது (படங்கள்)

-JM-HAFEEZ-

கண்டி நகரில் சிறைச்சாலை வீதியில் அமைந்துள்ள பிரதான ஜும்மாப் பள்ளி வாயலகளில் ஒன்றான கண்டி லைன் பள்ளி(மர்கஸ்)யில் அமைப்பதற்காக ஏற்கனவே திட்டமிடப்படிருந்த உயர் கோபுரமான 'மினராவை' அமைக்க வேண்டாம் எனக் கூறி சிங்களே 'ஜாதிக பலமுலுவ' என்ற அமைப்பு (5.6.2016) சத்தியாக்கிரகப் போராட்டம் ஒன்றில் ஈடுபட்டது.

மேற்படி பள்ளி அமைந்துள்ள வீதியை இடை மறித்து அவர்கள் ஆர்பாட்டத்தில் ஈடுபட்டனர். பொலீசார் வாகனங்களை வேறு பாதையினூடாகத் திருப்பி அனுப்பினர். ஆர்பாட்டக் காரர்கள் துண்டுப்பிரசுரங்களையும் வினியோகம் செய்தனர். அதில் குறிப்பிடப்பட்டிருந்ததாவது-

சிங்கள பௌத்தர்களின் உச்ச ஸ்தானத்திலிருக்கும் ஸ்ரீதலதா மாளிகையை விடவும் கூடிய உயரத்தில் பள்ளியின் கோபுரத்தை அமைக்கக் கூடாது என்று குறிப்பிடப்ட்டிருந்தது. 

இன்று காலை பள்ளிவாசலுக்கு முன் கூடிய ஆர்ப்பாட்டக் காரர்கள்  சப்தமிட்டு இப் பள்ளியின் நிர்மான பணிகளை நிறுத்துவதாக உத்தரவாதம் வழங்கப்பட வேண்டும் எனக் கோரிக்கை விடுத்தனர்.(நிர்மாணப்பணிகள் ஏதும் இடம் பெறாத நிலையில்)

போல்Pசார் தலையிட்டு கண்டி மாநகரசபை ஆணையாளரின் கடித்ததை சமர்ப்பித்ததும் அவர்கள் அமைதியாகக் கலைந்து சென்றனர். அது கண்டி மாநகர சபையின்; அனுமதியின்றி எவ்வித அபிவிருத்தியும் செய்யக் கூடாது என ஏற்கனவே தடை விதிக்கப்பட்ட கடிதமாகும். 

இவ்வார்பாட்டத்தி;ற்கு அரம்பேபொல ரத்னசாரர் என்ற பௌத்த மதகுரு தலைமை தாங்கினார். இன்னும் பல அமைப்புக்களும் இணைந்திருந்தன.

அமைச்சர் றவூப் ஹகீம் அவர்களது அனுசரனையுடன் நிர்மாண வேலைகள் முன் எடுக்கப்படுவதாகவும் பிலிமத்தலாவையிலுள்ள பித்தளை கைத்தொழில் முயற்சியாளர்களிடம் அதற்கான ஓடர் கொடுக்கப்பட்டுள்ளதாகவும் இது ஸ்ரீ தலதா மாளிகையை விட 28 அடி உயரமான கோபுரம் என்றும் ஆர்பாட்டக்காரர்கள் தெரிவித்தனர். 

உலகில் எந்த ஒரு நாட்டிலும் தமது பிரதான மதம் தவிர்ந்த மதங்களுக்கு இவ்வாறு உயர்ந்த கோபுரங்கள் அமைக்க அனுமதி அளிப்பதில்லை என்றும் அதனை உடனே நிறுத்தும்படியும் அவர்கள் வெண்டிக்கொண்டனர்.