கருணை கோர விரும்பாத, ஜமாத்-இ-இஸ்லாமி கட்சி தலைவர் தூக்கிலிடப்பட்டார்

வங்காளதேச விடுதலைப் போரின்போது விடுதலைக்கு எதிராக செயல்பட்டவர்கள், பாகிஸ்தானுக்கு ஆதரவாக வன்முறையில் ஈடுபட்டவர்கள் மீது போர்க்குற்ற வழக்கு தொடரப்பட்டு தண்டனை வழங்கப்பட்டு வருகிறது. அந்த வகையில், மிகப்பெரிய இஸ்லாமிய கட்சியான ஜமாத்-இ-இஸ்லாமி கட்சியின் தலைவர் நிஜாமிக்கு போர்க்குற்ற வழக்கில் மரண தண்டனை விதிக்கப்பட்டது. 

அவரது மேல் முறையீட்டு மனு மற்றும் சீராய்பு மனுக்களை உச்ச நீதிமன்றம் நிராகரித்ததையடுத்து, அதிபரிடம் கருணை மனு அளித்து நிவாரணம் பெறுவதற்கான வாய்ப்பு மட்டுமே இருந்தது. அதேசமயம், அவரை தூக்கிலிட்டு தண்டனையை நிறைவேற்றுவதற்கான ஏற்பாடுகளை அதிகாரிகள் செய்துவந்தனர். எனவே, அவர் எந்நேரமும் தூக்கிலிடப்படலாம் என தகவல் வெளியானது. 

இதற்கிடையே ஜனாதிபதியிடம் கருணை கோர விரும்பாததால் நிஜாமி இன்று இரவு தூக்கிலிடப்பட்டார்

இதுகுறித்து உள்துறை மந்திரி அசாதுஜமான் கூறுகையில், “நிஜாமி தனக்கான கடைசி வாய்ப்பாக ஜனாதிபதிக்கு கருணை மனு அனுப்பும்படி கேட்கப்பட்டது. அவர் கருணை கோரவில்லை.  எனவே, மரண தண்டனையை நிறைவேற்றும் உத்தரவு சிறை அதிகாரிகளுக்கு அனுப்பப்பட்டுள்ளது. இன்று இரவு அவர் தூக்கிலிடப்பட்டார் என்றார்.