முஸ்லிம்களே வாருங்கள், பள்ளிவாசல்களை கட்டுங்கள், நான் சீமெந்து தருகிறேன் - பௌத்த குரு அழைப்பு

-Mohamed Naushad-

இயற்கை அனர்த்தம் ஏற்பட்ட போது முஸ்லிம்கள் வழங்கிய மகத்தான சேவைக்கு நன்றி தெரிவித்துள்ள கொலன்னாவ பிரதம பௌத்த குரு வஜிர சுமங்கல தேரர் தாம் முஸ்லிம்கள் குறித்து தவறாக புரிந்துகொண்டமைக்காக வருத்தமும் தெரிவித்துள்ளார்.

 கொலொன்னாவ பள்ளி சம்மேளனத்தின் ஏற்பாட்டில் இன்று (25ஃ05ஃ2016) காலை இடம்பெற்ற ஊடகவியலாளர் மாநாட்டிலேயே அவர் இவ்வாறு தெரிவித்தார்

முஸ்லிம்கள் கொலன்னாவ பகுதிக்கு ஆரம்பத்தில் வந்த போது போது தாம் சந்தேகம் கொண்டதாகவும் பள்ளிவாசல் கட்ட எதிர்ப்புத் தெரிவித்ததாகவும் எனினும் இந்த இயற்கை அனர்த்தமானது அந்த எண்ணத்தை போக்கிவிட்டுள்ளது.

வெளத்த்தில் பாதிக்கப்பட்ட பௌத்த சிங்களவர்களுக்கு முஸ்லிம்கள் அதிகளவில் உதவினார்கள்.

இந்தநிலையில் முஸ்லிம்கள் கொலன்னாவ பகுதியில் எந்தப் பகுதியிலும் வந்து குடியேறலாம். பள்ளிவாசல்கள் கட்டலாம். அந்த பள்ளிவாசல்களை கட்டுவதற்கு முதல் ஆளாக நான் சீமெந்துப் பைக்கட்டுக்களை எனது கையினால் வழங்க தயாராகவுள்ளேன் எனவும் அவர்  மேலும் தெரிவித்தார்